بھٹکل،31؍اکتوبر (ایس او نیوز) حالیہ دنوں میں بھٹکل تعلقہ کےمختلف علاقوں میں محکمہ جنگلات کے افسران اور عملےکی طرف سے اتی کرم داروں کو جو اذیت دی جارہی ہے اس کا جائزہ لینے کے لئے ایک خصوصی میٹنگ  3نومبر کو بھٹکل کے ستکار ہوٹل صبح 10بجے منعقد ہوگی۔

اتی کرم داروں کے حقوق کے لئے جد وجہد میں سرگرم ہوراٹا سمیتی کے ضلع کنوینر دیوراج گونڈا کی طرف سے دی گئی اطلاع کے مطابق سمیتی کے ضلع صدر رویندرا نائک اس میٹنگ میں اتی کرم داروں کے مسائل کا جائزہ لیں گے اور اس کے بعدمحکمہ جنگلات کے افسران اور عملے کی طرف سے دی گئی اذیتو ں  کا    احوال جاننے کے لئے متاثرہ افراد کے گھروں تک پہنچ کر موجودہ صورت حال معلوم کریں گے۔اس لیے محکمہ جنگلات کے ہاتھوں ستائے گئے اتی کرم داروں سے اپیل کی گئی ہے کہ ضلع صدر کے دورے اور جائزے کے موقع پر وہ حاضر رہیں۔