منڈگوڈ میں پکوان گیس سلینڈروں کی قلت : مسئلہ کو ختم کرنے عوام کا مطالبہ

Source: S.O. News Service | By Abu Aisha | Published on 10th September 2019, 9:17 PM | ساحلی خبریں |

منڈگوڈ:10؍ستمبر(ایس اؤ نیوز)تعلقہ میں پکوان گیس سلینڈروں کی قلت سے عوام  کوپریشانیوں کا سامنا کرنا پڑ رہا ہے۔ ماہ اگست کے ابتداء سے  شروع ہوا مسئلہ ابھی تک جاری رہنےپر عوام نے سخت برہمی کا اظہار کیا ہے۔

پکوان گیس سلینڈر  کے لئے عوام گیس ایجنسی کے سامنے قطاروں میں کھڑے دیکھے جاسکتےہیں۔ ایجنسی مالک کا مکان بھی وہیں رہنے کی وجہ سے عوام ایجنسی اور مکان کے سامنے  پکوان گیس کی ہنگامہ خیزی سے مالک کی نیند حرام ہوگئی ہے ، کبھی کبھی سلینڈروں کا  لوڈ آتا ہے تو عوام ہجوم کی شکل میں  امڈآنے کی بات کہی جارہی ہے۔ اس کے علاوہ بعض دفعہ لوڈ آنے کی اطلاع پاتےہی عوام گیس گوڈاؤن چلے جاتےہیں وہیں قطار میں کھڑے ہوئے لوگوں کے درمیان پکوان گیس سلینڈر  تقسیم کئے جاتے ہیں جنہیں نہیں ملا وہ ملامت کرتے لوٹتے دیکھے گئے۔ فون پر بکنگ کی سہولت ہونے تک عوام بالکل راحت میں تھے۔ لیکن ماہ اگست میں مسلسل بارش برسنے کے نتیجےمیں سڑکوں کی خرابی ، خستگی ، برجوں کے ٹوٹنے ، راستے بند ہونےکی وجہ سے گیس سلینڈروں کے لوڈ کم آرہے ہیں۔ جس کی وجہ سے پکوان گیس سلینڈروں کی قلت ہونے کی بات کہی جارہی ہے۔

عوام نے شکایت درج کرتے ہوئے کہاکہ پکوان کے دوران ہی گیس ختم ہوجاتی ہے تو کیاکریں۔ پہلے جس طرح فون بکنگ کے ذریعے گھر تک سلینڈر پہنچائے جاتےتھے ویسے پہنچانے کامطالبہ کیا۔ مسئلے کو لےکر ایچ پی گیس ایجنسی کے مالک بسوراج اوشی مٹھ نے واضح کیا ہے کہ ہم لوگ 4-5لوڈ کا آرڈر کرتے ہیں صرف 1-2لوڈ آتے ہیں۔ ہر طرف سے سپلائی کا دباؤ ہے ، بارش کم ہوئی ہے، اگلے ہفتہ تک معاملہ ٹھیک ہونےکی امید جتائی۔

 

ایک نظر اس پر بھی

بھٹکل میں موسلادھار بارش کا سلسلہ جاری؛ چھ مکانوں کو نقصان؛ بعض راستوں کی حالت بد سے بدترہونے پر عوام سخت پریشان

بھٹکل سمیت ساحلی علاقوں اور ملناڈ وغیرہ  میں گذشتہ ایک ہفتہ سے  موسلادھار بارش کا سلسلہ جاری ہے، بھٹکل میں ویسے تو  تھوڑے تھوڑے وقفے کے بعد  زوردار بارش ہورہی ہے تو وہیں  ملناڈ اور پڑوسی   علاقوں میں زبردست بارش ہونے کی اطلاعات موصول ہورہی ہیں جس کے نتیجے میں ہوناور  کے ...

ہاسن نیشنل ہائی وے پر تیز رفتار کار کی پیچھے سے لاری کو ٹکر؛ تین ہلاک ایک شدید زخمی

شہر سے قریب 70 کلو میٹر دور بیلتنگڈی سے تعلق رکھنے والے  تین لوگ اُس وقت ہلاک ہوگئے جب اُن کی کار ہاسن نیشنل ہائی وے 75 پر تیز رفتاری  کے ساتھ   ایک ٹرک سے ٹکراگئی۔ حادثہ سنیچر رات قریب  آٹھ بجے پیش آیا۔

بھٹکل : شمالی کینرا کے اراکین اسمبلی نے کی کرناٹک کے وزیراعلیٰ ایڈی یورپا کے ساتھ صف بندی

ریاستی حکومت کے بی جے پی کیمپ میں اس وقت وزیر اعلیٰ ایڈی یورپا کے خلاف بغاوت کے سُر تیز ہوتے جارہے ہیں۔  ایم ایل سی وشوا ناتھ اور دیگر دو ایک اراکین اسمبلی نے یکے بعد دیگرے مختلف زاویوں سے وزیر اعلیٰ پر زبانی حملوں کا محاذ کھول رکھا ہے۔ اس پس منظر میں دونوں خیموں کی لام بندی بھی ...