منگلورو میں اپارٹمنٹ سے اڑالیے گئے 35لاکھ روپوں کے زیورات اور 65ہزار روپے نقد!
منگلورو 15/ستمبر (ایس او نیوز)شہر میں ایس سی ایس اسپتال کے قریب واقع نتیانند شیٹی کے اپارٹمنٹ سے چوروں نے 35لاکھ روپے مالیت کے زیورا ت اور 65ہزار روپے نقد اڑالیے۔
موصولہ رپورٹ کے مطابق نتیا نند شیٹی اور اس کے گھروالے 8سمبر کو شہر سے باہر گئے ہوئے تھے۔ وہ لوگ جب 13ستمبر کو واپس لوٹے تو گھر میں ڈکیتی کا پتہ چلا۔گھر کامشاہدہ کرنے کر پتہ چلا کہ لٹیرے روشندان(وینٹی لیٹر) کی سلاخیں کاٹ کر گھر میں داخل ہوئے تھے۔پھر انہوں نے لاکرکا قفل توڑ کر زیورات اور نقدی پر ہاتھ صاف کیا۔نیتانند شیٹی کی بیوی انیتا شیٹی کی شکایت پر کدری پولیس اسٹیشن میں کیس درج کرلیا گیا ہے۔