بھٹکل:27؍جنوری(ایس اؤ نیوز)71ویں یوم جمہوریہ کے موقع پر شہر کی خواتین ’ہم بھارت کے لوگ(We the People of India) کے بیانر تلے  ’کیک‘مقابلے کا اہتمام کرتے ہوئے عوام میں سی اے اے ، این آر سی اور این پی آر کے متعلق بیداری انوکھے پروگرام کا انعقاد کیا۔

مقابلے میں  بھارت کا دستور، بھارت کا نقشہ سمیت مختلف کیک رکھے گئے تھے۔ سماجی فکر کو پیش کرتے یہ کیک عوام کی دلچسپی کا باعث بنے ۔ مقابلے میں خواتین کا بہت سرگرمی کے ساتھ شریک ہونا ان کی سماج کے متعلق  فکر کو پیش کرتی ہے جس کی ہم بھارت کے لوگ بھٹکل خواتین کی ناظمہ نبیرہ محتشم نے ستائش کی ہے۔

اس موقع پر انہوں نے بتایا کہ آئند ہ دنوں میں سی اے اے ، این آر سی اور این پی آر کی جدوجہد جاری رہے گی۔یہ کیک مقابلہ بھی اس کی ایک کڑی تھی ۔ ملک کے دستورکی حفاظت میں ملک کی خواتین مردوں سے زیادہ سرگرمی کے ساتھ شریک ہورہی ہیں،جدوجہد کو مزید تیز کرنےکی طرف اشارہ ہونے کی بات کہی۔