کاروار میں یوم صحافت پروگرام : سرکار طلبا کو مفت اسکول بیاگ تقسیم کرے : روپالی نائک
کاروار:یکم جولائی (ایس اؤ نیوز)اسکولی بچوں کو مفت یونیفارم، کتب، شو ، سائیکل کے ساتھ ساتھ حکومت بچوں کو اسکول بیاگ بھی مفت میں فراہم کرنے کا کاروار کی رکن اسمبلی روپالی نائک نے مطالبہ کیا۔
ضلع کیندر ورکنگ جرنلسٹ سنگھ کی جانب سے چتاکول سی برڈ کالونی میں سرکاری ہائی اسکول میں منعقدہ یوم صحافت پروگرام کا افتتاح اور بھٹکل کے رکن اسمبلی سنیل نائک کے تعاون سے اسکول کے 68بچوں کے درمیان اسکول بیاگ تقسیم کرنے کے بعد وہ خطاب کررہی تھیں۔انہوں نے بتایا کہ پچھلے برسوں میں اسی جرنلسٹ سنگھ کی طرف سے منعقدہ پروگرام میں سنگھ کی جانب سے بچوں کے درمیان چپل تقسیم کئے گئے تھے تو اس وقت کے وزیر تعلیم وشویشور کاگیری نے اس کی تقلید کرتے ہوئے سرکار کی طرف سے اسکولی بچوں کو شو اور ساکس تقسیم کرنے کامنصوبہ بنایاتھا۔ اس مرتبہ اسکول بستے تقسیم کئے گئے۔ حکومت کو اس سلسلے میں اپیل کئے جانے کا تیقن دیا۔ حال ہی میں سوشیل میڈیا پر ایم پی اننت کمار ہیگڈے کے خلاف چلی مہم کے پس منظر میں انہوں نے سوشیل میڈیا کے متعلق ناراضگی کا اظہار کرتے ہوئے کہاکہ سوشیل میڈیا پر بے کار کی خبروں کو پھیلایا جارہاہے، حقیقی خبروں کو دینے والے میڈیا کی ضرورت ہونے کی بات کہی۔
اترکنڑا ضلع کے ڈپٹی کمشنر ڈاکٹر ہریش کمار نے مہمان خصوصی کی حیثیت سے خطاب کرتے ہوئے کہاکہ صحافی اور صحافت جمہوریت کے تحفظ کے لئے کام کررہے ہیں، ضلع میں سرکارکے 80فی صد پیغام اخباروں کے ذریعے عوام تک پہنچتا ہے۔ اپنے پیشہ کو انجام دینے کے دوران کئی مرتبہ صحافی حضرات حملے کا شکار ہونے کے اندیشے رہتے ہیں اس سلسلے میں حکومت انہیں تحفظ دینے کے متعلق غورکرنے کی بات کہی ۔ چتاکول گرام پنچایت صدر راجو تانڈیل، ستیہ سائی سمیتی کے ضلع صدر رام داس آچاری ، ضلع رابطہ عامہ محکمہ کے افسر ہیمنت راجو ڈائس پر موجود تھے۔ سنگھ کے صدر ٹی بی ہریکانت نے افتتاحی کلمات پیش کرتے ہوئے استقبال کیا۔ اچھویت کمار یلاپور، گنیش ہیگڈے نے نظامت کی۔ سبھاس دھوپہونڈا نے شکریہ اداکیا۔
گزشتہ 101برسوں سے مسلسل شائع ہونے والے اخبار ’کانڈا ورتھ‘کے مدیر شریکانت شانبھا گ کی پروگرام میں تہنیت کی گئی ۔ یوم صحافت کی مناسبت سے مفت صحت جانچ کیمپ کا انعقاد کیاگیا تھا۔ جس کے ذریعے قریب 137لوگوں کا علاج کیاگیا اور انہیں دوائیاں مفت میں تقسیم کی گئیں۔ اس موقع پر ستیہ سائی سیوا سمیتی ممبران کی طبی امداد فراہم کرنے پر تہنیت کی گئی ۔