میسور : کورونا وائرس تصدیق ہونےکی جھوٹی خبر : ملزم گرفتار
میسور :15؍جون (ایس اؤ نیوز)ننجن گوڑا علاقے میں کئی لوگوں کو کورونا ہونے کی جھوٹی خبر سوشیل میڈیا پر پوسٹ کرنے کے الزام میں ایک فرد کو پولس نے گرفتارکرلیاہے۔
گرفتار شدہ ملزم کی شناخت ننجن گوڑا کے پرجول کشیپ کی حیثیت سے کی گئی ہے۔ پرجول نے ننجن گوڑا کے شہر شنکر پور، تیاگ راج کالونی ، سرسوتی کالونی اور بسون گوڑی علاقے میں پانچ لوگوں کو کورونا وائرس ہونے کی تصدیق ہونے کی جھوٹی خبر فیس بک پر پوسٹ کی تھی۔ علاقے کے لوگ جب کارخانےکو کام پر گئے تو انہیں کورونا سے متاثرہ کالونیوں کے افراد بتاتے ہوئے واپس بھیج دیا گیا۔ پریشان مزدوروں نے واقعے کو لے کر دلت سنگھر ش سمیتی والوں سے شکایت کی۔ دلت سنگھرش سمیتی کے لیڈران نے پولس تھانے میں شکایت درج کرائی جس کے بعد پولس نے ملزم کو گرفتار کرلیا ۔