بھٹکل،23؍اکتوبر (ایس او نیوز)مندلّی کے درگا پرمیشوری مندر میں زیورات چوری ہونے کے بعد لاپتہ ہوئے ملزم پجاری  ستیش بھٹ کو پولیس نے ساگر میں گرفتار کرلیا ہے۔

مندر کی گربھ گوڈی میں محفوظ رکھے گئے  لاکھوں روپے مالیت کے  زیورات  چوری ہونے اور ستیش بھٹ کے لاپتہ ہوجانے کےبعد بھٹکل پولیس نے اسسٹنٹ سپرنٹنڈنٹ نکھل بولار کی قیادت میں تین مختلف تحقیقاتی ٹیمیں تشکیل دی تھی۔ پولیس کی ٹیمیں میسورو، یلاپور، بنگلورو جیسے مقامات پر ملزم ستیش بھٹ کو تلاش کرنے میں لگی ہوئی تھیں۔ پتہ چلا ہے کہ ملزم پولیس کے شکنجے سے بچنے کے لئے ایک شہر سے دوسرے شہر کی طرف سفر کرتا جارہا تھا۔ اسی دوران مصدقہ سراغ ملنے پرکارروائی کرتے ہوئے پولیس نے ستیش بھٹ کو ساگر شہر سے گرفتار کرلیا  ہے۔زیورات کی چوری کے سلسلے میں ملزم سے پوچھ تاچھ کی جارہی ہے۔