بھٹکل15/جون (ایس او نیوز) بھٹکل اسسٹنٹ کمشنر مسٹر بھرت نے خبر دی ہے کہ ضلعی انتظامیہ کی طرف سے دی گئی ہدایات کے مطابق آج پیر15/ جون سے بھٹکل لاک ڈاون میں تمام کاروباری اداروں کو رات نو بجے تک کھلی رکھنے کی چھوٹ دی گئی ہے۔
وہاٹس ایپ مسییج کےذریعے اسسٹنٹ کمشنر مسٹر بھرت نے اخبارنویسوں کو بتایا کہ اب رات نو بجے سے صبح پانچ بجے تک مکمل لاک ڈاون رہے گا، دیگر اوقات میں کاروباری ادارے اور عام چہل پہل جاری رکھی جاسکتی ہے۔
بھٹکل میں ایک کے بعد ایک کورونا کے معاملات سامنے آنے کے بعد بھٹکل میں قریب ڈھائی مہینہ تک مکمل لاک ڈاون تھا جس سے عام زندگی بے حد متاثر ہوئی تھی، جب یہاں کورونا پر قابو پانے میں ضلعی انتظامیہ کو کامیابی ملی تو پہلے صبح آٹھ بجے سے دو بجے تک پھر صبح سات بجے سے شام سات بجے تک لاک ڈاون میں ڈھیل دی گئی تھی،مگر اب اس میں مزید عوام کو راحت دیتے ہوئے انتظامیہ نے صبح پانچ بجے سے رات نو بجے تک چھوٹ دینے کا اعلان کیا ہے۔