منی پال :21؍جنوری (ایس اؤ نیوز)منی پال کے کستوربا اسپتال میں ترقی یافتہ ملٹی لائٹ ٹکنالوجی اینڈوسکوپ (ایل سی آئی )  اور ڈے کئیر اینڈو سکوپ خدمات کا  آج جمعرات کو  ماہے منی پال کے کو چانسلر(شریک چانسلر)  ڈاکٹر ایچ ایس بلّال کے ہاتھوں افتتاح کیا گیا۔

افتتاح کے بعد خطاب کرتےہوئے بلّال نے کہاکہ آج   منی پال کے ایم سی اسپتال میں   افتتاح کردہ نئی سہولیات کے بعد  عالمی سطح کی خدمات بہت کم قیمتوں میں عوام کو میسر ہونگی۔ اس نئی ٹکنالوجی سے ہمارے ڈاکٹروں کو کو نادر ونایاب بیماریوں کی نشان دہی اور ان کی تشخیص و علاج کرنے میں آسانی  ہوگی۔ ساتھ ہی علاج  بھی جلد سے جلد مکمل کرنے کا مقصد لےکر ڈے کئیر کی خدمات شروع کرنے پر خوشی کا اظہار کرتے ہوئے انہوں نے اسپتال عملہ کو  مبارکباد پیش کی۔

ڈاکٹر شرن شٹی نے تجزیہ پیش کرتےہوئے بتایا کہ گیاسٹرواینٹرالوجی اور ہیپٹالوجی کا شعبہ نظامِ  ہاضمہ  کا مکمل علاج کرتاہے۔ جس میں غدائی نالی ، معدہ ، بڑی اور چھوٹی آنت، جگر، لبلبہ سمیت ہاضمے کے نظام پر اثر انداز ہونے والی بیماریاں اور معدے کے ٹیومر کو    نکالے  جانے کا علاج  بھی شامل ہے۔ انہوں نےبتایا کہ آج افتتاح کردہ ہائی ڈفنیشن ، ملٹی لائٹ ، ایل سی آئی ٹکنالوجی سے اینڈوسکوپ ، اینٹرواسکوپی  اور ڈویوڈنوسکوپ کرناٹکا کی سطح پر پہلا تجربہ ہے۔ اگر ہم پرانے اینڈوسکوپ ٹکنالوجی سےآج افتتاح کردہ ٹکنالوجی سے موازنہ کریں تو کینسر، پالپ، السر، پائیلوری وائرس سے متاثرہ بیماریوں کو پہلے مرحلےمیں ہی پتہ چلانےمیں معاون ہے۔ یہ ایک غیر معمولی ٹکنالوجی ہے جو عوام کے لئے کافی فائدہ مند ہوگی۔ اگر ہم دیگر بڑے شہروں کی مناسبت سے دیکھیں تو ساحلی پٹی اور دیہی علاقوں کے عوام کو بہت ہی کم قیمت پر علاج حاصل ہوگا۔

میڈیکل سپرنٹنڈنٹ ڈاکٹر اوی ناش شٹی نے ڈے کئیر کی خدمات کا تعارف کراتےہوئے کہاکہ اس کی شروعات کے ساتھ ہی     مریض کو اسپتال میں داخل کئے بغیر علاج کرنا ممکن ہوگا۔ ۔ ڈاکٹر پی ایل این جی راؤ اور ڈاکٹر شرتھ کمار راؤ نے ترقی یافتہ اینڈوسکوپ اور ڈے کئیرکی خدمات  شروع کئےجانے پر منتظمین کو مبارکبادی پیش کی۔ اس موقع پر معاون چانسلر ڈاکٹر پی ایل این جی راؤ ، کے ایم سی کے ڈین ڈاکٹر شرتھ کمار راؤ، شری سی جی موتین،بالو مہیندرا وغیرہ موجود تھے۔