منگلورو،27؍ستمبر (ایس او نیوز) سٹی پولیس نے موبائل فون چوری ہونے کی شکایت درج ہونے کے دو گھنٹوں کے چرائے گئے موبائل فونس کے ساتھ چوروں کو گرفتار کرنے میں کامیاب ہوگئی ہے۔

سٹی پولیس کمشنر وکاش کمار کی طرف سے جاری کیے گئے بیان کے مطابق کارلنگڈ پاڈی کے پاس زیر تعمیر عمارت میں جب دوپہر کے وقت وہاں کام کررہے مزدور سو رہے تھے تو ان کے فون چرالیے گئے تھے۔ ان مزدوروں نے شام 5 بجے پولیس کے پاس شکایت درج کروائی۔ انسپکٹر گووند راجو  کی قیادت میں پولیس ٹیم حرکت میں آگئی اور محض 105 منٹ (پونے دو گھنٹے ) کے اندر محمد سرفراز، محمد سہیل اور  محمد صفوان کوگرفتار کرنے میں کامیاب ہوگئی۔ پولیس نےچرائے گئے 11موبائل فون  برآمد کرنے کے علاوہ ملزمین کے پاس سے دو موٹر بائکس بھی ضبط کرلیے ہیں جن کی ملکیت کے بارے میں تحقیق ہورہی ہے۔پولیس کمشنر وکاش کمار نے   پولیس کی ٹیم  ستائش کرتے ہوئے کہا کہ اس واردات کے ملزمین کو گرفتا ر کرنے کے لئے پولیس افسران نے  نئی ٹیکنالوجی کا استعمال کیا اور بروقت کارروائی کرتے ہوئے معاملہ حل کردیا۔