منگلورو ،26؍ نومبر (ایس او نیوز) اپنی ہم جماعت غیر مسلم لڑکی کے ساتھ بس میں سفر کرنے پر ہندو نوجوانوں کی ایک گینگ نے سید راشیم عمر نامی طالب علم پر حملہ کیا ۔
ذرائع سے ملی اطلاع کے مطابق کارکلا کے ایک پرائیویٹ کالج میں زیر تعلیم متاثرہ نوجوان راشیم نے کدری پولیس اسٹیشن میں جو شکایت درج کروائی ہے اس کے مطابق جب وہ اپنی ہم جماعت ہندو لڑکی کے ساتھ روزانہ کی طرح سفر کر رہا تھا تو تین چار اجنبی ہندو نوجوانوں کی ایک ٹولی ننتھور کے پاس بس میں گھسی اور اسے گھسیٹ کر باہر نکالنے کے بعد مار پیٹ کی ۔ اور یہ بات کسی کو بتانے پر جان سے مار دینے کی دھمکی دی۔
بتایا جاتا ہے کہ واردات کے موقع پر موجود ٹریفک پولیس والے نے مداخلت کی اور اس ٹولی کے مزید حملے سے راشیم کو بچا لیا ۔ پتہ چلا ہے کہ واردات کے بعد حملے کی تصاویر سوشیل میڈیا پر وائرل ہوگئی۔
راشیم کی شکایت پر کدری پولیس نے شکایت درج کی ہے اور تحقیقات جاری ہے ۔ اس تعلق سے اے ڈی جی پی الوک کمار نے اخبارنویسوں سے گفتگو کرتے ہوئے یقین دلایا ہے کہ پولس خاطیوں کے خلاف سخت کاروائی کرے گی۔