اڈپی 23/ مارچ (ایس او نیوز) کونکن ریلوے کی طرف سے جاری کردہ بیان کے مطابق منگلورو اور ممبئی کے درمیان ٹرین سروس کی توسیع  یکم جولائی تک کردی گئی ہے۔

    ٹرین نمبر 02620 منگلورو سینٹرل لوکمانیہ تلک ڈیلی سوپر فاسٹ فیسٹول ایکسپریس کی توسیع یکم اپریل سے 30 جون تک اور ٹرین نمبر 02619 لوکمانیہ تلک منگلورو سینٹرل 2 اپریل سے یکم جولائی تک چلے گی۔

    ہر بدھ کے دن نکلنے والی تریویلی دادر ہفتہ واری سوپر فاسٹ  ٹرین 7 اپریل سے 30 جون تک اور ہر جمعرات کو نکلنے والی دادر تریلویلی ٹرین 8 اپریل سے یکم جولائی تک چلے گی۔

    ٹرین نمبر 04034/04033 حضرت نظام الدین سوپر فاسٹ ایکسپریس اسپیشل ٹرین 26 مارچ کو صبح نظام الدین سے نکلےگی اور تیسرے دن صبح 4:55 کو تیرواننتھا پورم سینٹرل پہنچےگی۔ اسی طرح 31 مارچ کو صبح 0:30 بجے نکل کر دوسرے دن رات کے 10:40 بجے نئی دہلی اسٹیشن پہنچے گی۔ کیرالہ تک جانے آنے والی  یہ ٹرین کرناٹکا کے کاروار، اڈپی اور منگلورو جنکشن پر رکتی ہے۔