منگلورو: بیچ سمندر میں ماہی گیر کشتیوں کو پیش آئے 2حادثے۔21ماہی گیروں کو بحفاظت بچالیا گیا

Source: S.O. News Service | Published on 15th September 2019, 11:46 AM | ساحلی خبریں | ان خبروں کو پڑھنا مت بھولئے |

منگلورو 15/ستمبر (ایس او نیوز) کاپ اور اوچیلا کے قریب بحیرہئ عرب میں ماہی گیر کشتیوں کو دو الگ الگ حادثات پیش آئے جس میں جملہ 21ماہی گیروں کو بحفاظت بچالیا گیا ہے۔    

پہلا حادثہ بشیر داؤد کی ملکیت والی ایس ایم فشریزکی کشتی کو پیش آیا جب گہرے سمندر میں ماہی گیری سے لوٹنے کے دوران کاپ کے قریب اچانک کشتی کے اندر پانی گھسنے لگا۔اس کشتی پر 9مچھیرے موجود تھے جنہیں قریب میں ماہی گیری کررہی ایک او رکشتی پر موجود مچھیروں نے بچالیا۔بشیر داؤد نے منگلورو ٹرال بوٹ یونین میں شکایت درج کروائی ہے کہ پانی گھسنے کی وجہ سے اس کی کشتی سمندر میں غرقاب ہوگئی ہے جس کی وجہ سے تقریباً 30لاکھ روپوں کا نقصان ہوا ہے۔
    
دوسرا حادثہ اوچیلاکے رہنے والے اشوک پوتھران کی کشتی کو پیش آیا ہے، جس میں سمندر میں اٹھنے والی تیز موجوں کی وجہ سے کشتی کو نقصان پہنچا ہے۔  اس کشتی پر 12مچھیرے موجود تھے، جنہیں قریب میں دوسری کشتی پر موجود ماہی گیروں نے بچالیا۔اس کشتی کو دوسری کشتی سے باندھ کر بحفاظت ملپے پورٹ تک لایا گیا۔اسی دوران یہ بھی معلوم ہو اہے کہ اتھیپّا سوورنا کی ملکیت والی کشتی کوبھی ماہی گیری سے واپس لوٹتے وقت حادثہ پیش آیا تھا، لیکن اس میں کشتی یا اس پر موجود ماہی گیروں کو کوئی نقصان نہیں پہنچا،بلکہ صرف بڑی مقدار میں شکار کی گئی مچھلیاں سمندر میں بہہ گئیں۔

ایک نظر اس پر بھی

کاروارکے بیت کول میں آدھی رات کو ٹرک ڈرائیوروں پر حملہ۔ نقدی اور موبائل لوٹنے کے ساتھ لاریوں کو پہنچایاگیا نقصان۔پولیس اسٹیشن سے قریب ہی پیش آئی واردات

بیت کول ماہی گیری بندر کے علاقے میں پولیس اسٹیشن سے چار قدم کے فاصلے پر جمعرات کی شب میں شرپسندوں کے ذریعے بیرونی ریاستوں سے تعلق رکھنے والے ٹرک ڈرائیوروں کو لوٹنے اور گاڑیوں کو نقصان پہنچانے کی واردات پیش آئی ہے۔

افسران کی مبینہ ملی بھگت سے بھٹکل میں حد سے بڑھ گئی پتھروں کے لئے غیر قانونی کھدائی۔ منڈلّی کی پہاڑی کو نابود کرنے کی ہورہی ہے تیاری

بھٹکل میں قانون کی پاسدار ی کرنے والے کئی اسسٹنٹ کمشنرز اور اور کئی تحصیلدار تعینات کیے جاچکے ہیں، لیکن یہاں پر چل رہے ریت اور پتھروں کے غیر قانونی کاروبار پر کسی نے بھی پوری طرح روک لگائی ہو، ایسا دیکھنے میں نہیں آیا۔ بلکہ عوام کا ااحساس تو یہ ہے کہ کچھ افسران کی ملی بھگت سے ہی ...

شیرور میں کار اور لاری کی ٹکر۔کار ڈرائیور ہلاک۔ ایک مسافر شدید زخمی

پڑوسی علاقہ شیرور میں    نیشنل ہائی وے پرواقع سنکد گنڈی پُل کے قریب جمعرات   شام کو پیش آئے کار اور لاری کے تصادم میں کار ڈرائیور موقع پر ہی ہلاک ہوگیا ، جبکہ ایک مسافر شدید زخمی ہوگیا  جسے علاج کے لئے قریبی  اسپتال میں منتقل کیا گیا ہے۔

این آر سی دستاویزات کی تیاری میں اقلیتوں کی رہنمائی کرنے روشن بیگ نے اقلیتی کمیشن کے نئے چیرمین سے کیا مطالبہ

مرکزی حکومت کی ہدایت پر ریاستی حکومت کی طرف سے کرناٹک میں این آر سی نافذ کرنے کے لئے جو تیاری کی جا رہی ہے اس کے پیش نظر ریاستی اقلیتی کمیشن کی طرف سے اقلیتوں بالخصوص مسلمانوں کودستاویزات کی تکمیل میں آسانی فراہم کرنے کے لئے فوری طور پر قدم اٹھانے چاہئے۔ کمیشن کی طرف سے مساجد ...

تیراکی میں یونیورسٹی بلیو کا خطاب جیتنے والے بھٹکل انجمن کالج کے محمد اشفاق اب کریں گے آل انڈیا ٹورنامنٹ میں کرناٹکا یونیورسٹی دھارواڑ کی نمائندگی

انجمن آرٹس سائنس  کامرس  کالج اور پی جی سینٹر  بھٹکل کے ایک طالب العلم   محمد اشفاق ابن محمد  اسلم  تیراکی میں  بہترین مظاہرہ پیش کرتے ہوئے  کرناٹکا یونیورسٹی  بلیو   کا خطاب حاصل کرنے میں کامیاب ہوگئے ہیں  ۔کالج کے فزیکل ڈائرکٹر نے   بتایا کہ  تیراکی میں یونیورسٹی ...

پانچ مہینوں بعد  آئی پی ایس  اناملئی کا استعفیٰ منظور : کیا وہ تمل ناڈو کے سنگھ پریوار میں شامل ہوں گے ؟

آئی پی ایس عہدے سے پانچ مہینے پہلے  استعفیٰ دئیے اناملئی کا اب  جا کر مرکزی حکومت نے منظور کیا ہے۔ مستقبل میں اناملئی سنگھ پریوار کے کسی ایک ذیلی ادارے سے جڑ کر زندگی کا دوسرا دور شروع کرنے کے امکانات ظاہر کئے گئے ہیں۔

بابری مسجد مقدمہ میں شامل مسلم پارٹیوں کی طرف سے سپریم کورٹ آف انڈیا میں دیا گیا ایک بیان؛ مسلم پرسنل لاء بورڈ نے جاری کی پریس ریلیز

بابری مسجد کے تعلق سے  آل انڈیا مسلم  پرسنل لاء بورڈ کی بابری مسجد کے کو۔کنوینر   ڈاکٹر قاسم رسول الیاس نے پریس ریلیز جاری کرتے ہوئے مندرجہ ذیل نکات پیش کئے  ہیں :