مدینہ ویلفئر سوسائٹی بھٹکل کے زیراہتمام تین طلبا کے حفظ مکمل کرنے اور ایک نوجوان کےپی ایچ ڈی مکمل کرنے پر چاروں کی تہنیت
بھٹکل21؍ستمبر (ایس او نیوز) مدینہ ویلفیر سوسائٹی کے زیراہتمام چلنے والے شعبہ حفظ سے اس سال تین طلبا کے قران پاک کے حفظ کی سعادت حاصل کرنے اور سوسائٹی کے ایک رکن کے علی گڑھ یونیورسٹی سے پی ایچ ڈی کی ڈگری مکمل کرنے پر ایک تہنیتی اجلاس منعقد کیا گیا اور چاروں کی تہنیت کی گئی۔
اجلاس مورخہ 20/ستمبر2019ء بروزجمعہ بعدنمازعشاءمدینہ جمعہ مسجد میں منعقد کیا گیا۔حافظ احمد ابن محمد شعیب صاحب گوائی کی تلاوت سے نشست کاآغازہوا۔تلاوت کے بعدمحمدطریف ابن محمد منیر ابوحسینانےنعت پاک پیش کی۔
اس کے بعدمدینہ جمعہ مسجد کے امام وخطیب جناب مولانا محمد زکریا صاحب نے قرآن کے فضائل اوراس کی اہمیت پربہترین باتیں پیش کرتے ہوئے حفاظ اورڈاکٹرمحمدعیاض ابن زین العابدین رکن الدین کی خدمت میں مبارکباد پیش کی۔مولانا کے پرمغزخطاب کے بعدجمعیت جمعہ مسجد کے صدراور مدینہ ویلفیئر سوسائٹی کے رکن انتظامیہ جناب مولانامحمدطلحہ صاحب نے بھی حاضرین کے سامنے حافظ کا کیامقام ومرتبہ ہے اس کواجاگرکیا۔ساتھ ساتھ تمام حفاظ اورڈاکٹرمولوی محمدعیاض ابن زین العابدین رکن الدین کی خدمت میں مبارکباد پیش کرتے ہوئے فرمایاکہ ہمارایہ علاقہ ہراعتبارسے ممتاہوناچاہیے اورہرمیدان میں ہمارے نوجوانو ں کو آگے بڑھ کرخوب دین کی خدمت کرنی چاہئے اورالحمدللہ یہ چیز آہستہ آہستہ ہورہی ہے۔موصوف کے خطاب کے بعدجنرل سیکریٹری مدینہ ویلفیئر سوسائٹی مولانا ایس ایم عرفان ندوی نے سوسائٹی کے تحت چلنے والے شعبہ حفظ کی مختصرکارکردگی پیش کرتے ہوئے کہاکہ الحمداللہ ہمارا یہ شعبہ گذشتہ نوسالوں سے چل رہاہے۔اب تک آٹھ حافظ ہوچکے ہیں۔ان حفاظ میں MBAبھی ہیں B.COMبھی ہیں اورPUCپڑھنے والے طلباء بھی ہیں اور ابھی اسی طرح اسکول وکالجس میں پڑھنے والے 17 طلباء کی تعداد موجودہے۔
اس مختصر رپورٹ کے بعدحفاظ نے ایک کےبعد دیگرے تلاوت کی ۔بعداذاں شعبہ حفظ کے استادجناب حافظ عبدالرحمن صاحب نے حفاظ کی حفظ کی تکمیل فرمائی ۔اس کے بعد جناب حافظ ومولوی ڈاکٹر عیاض صاحب نے تہنئتی اجلاس منعقد کرنے پرشکریہ ادا کیا۔صدارتی خطاب میں سوسائٹی کے صدرجناب پروفیسر ھاشم زرزری صاحب نے اپنا صدارتی خطاب پیش کرتے ہوئے کہاکہ اتنی عظیم کتاب کواپنے سینے میں محفوظ کرنا کوئی آسان بات نہیں یقینا یہ شوق وذوق کے ساتھ ساتھ محض اللہ کاکرم اوراس کاانتخاب ہے۔حفاظ کرام اور مولوی عیاض صاحب کی خدمت میں سوسائٹی کی طرف سے تحفے پیش کرکے مولانا طلحہ صاحب کی دعاء پرجلسہ کااختتام ہوا۔
حفاظ کے اسمائے گرامی
(1)حافظ عبدالمقیت ابن اسماعیل رکن الدین MBA
(2)حافظ سیداحمدابن سید محمد زبیرعلی اکبرا۔PUCاورجامعہ میں زیرتعلیم
(3)حافظ محمد انفال ابن محمد انصارخطیبPUCاورجامعہ میں زیرتعلیم۔
ڈاکٹریٹ کرنے والےPHD
حافظ مولوی ڈاکٹر محمد عیاض ابن زین العابدین رکن الدین