کمٹہ :18؍فروری (ایس اؤ نیوز )مسافر کار کا فاسٹ ٹیگ صحیح طور پر کام(ریڈ) نہ کرنےپر ٹول ناکہ عملہ کی طرف سے کار کے مسافروں اور ڈرائیورسے گالی گلوچ کرنے اور 9لوگوں پر حملہ کئے جانے کی واردات ہولگدے ٹول ناکہ پر جمعہ کی رات پیش آئی ہے۔
مسافروں پر حملہ کرنے کا الزام ہولگدے ٹول گارڈ تمپا پٹگار، ٹول ناکہ نگراں کار کرن جئیونت نائک ، منجوناتھ وٹھل نائک، ہلدی پور کے ناگراج مادیو نائک سمیت مزید 4-5 انجان لوگ لگا ہے ۔
پتہ چلا ہے کہ ٹول ناکہ کے عملے نے منگلورکے محمد رضوان، مجیب سید ، محمد آصف سید ،محمد رفان سید، محمد شافع الرحمن ، ناصر عبدالکریم ، کیرلا کےمحی الدین مشتاق عبداللہ، عائشہ رملت سید، فاطمہ سید، مجیب سید پر دیگر انجان لوگوں کے ساتھ حملہ کیا ۔ بتایا گیا ہے کہ منگلور سےنکلے مسافر اپنی کار لے کر جب ہوناور کے ہولگدے ٹول ناکہ پہنچے تو کار کا فاسٹ ٹیگ ریڈ نہیں ہوا۔ تب وہاں ڈیوٹی پر تعینات ستیش نامی ٹول گارڈ نے مسافروں سے گالی گلوچ کرتےہوئےکہا ’’اگر تمہارے پاس رقم نہیں ہے تو پھر آپ لوگ کاروں میں کیوں گھومتے ہو‘‘۔تو مسافر نے گارڈ سے پلٹ کر سوال کیا کہ گالی کیوں دے رہے ہو۔صرف اتنی سی بات پرمشتعل ستیش نے ناصر نامی مسافر کے گال پر تھپڑ جڑ دیا۔وہیں بقیہ 6-7ملزموں کے ساتھ مل کرمسافروں پر پتھروں ،لوہے کی سلاخوں اور پیروں سے کچل کر حملہ کیا گیا۔
کہاجارہاہے کہ ملزم کرن نے لوہےکی سلاخ سے محمد کو قتل کرنےکی خاطر سر پر اتنے زور سے مارا کہ کار کا شوگلاس اور ونڈو گلاس ٹوٹ گئے۔ ملزم منجوناتھ اور دیگر ملزمان پر مسافروں پر حملہ کرنےکے علاوہ انہیں غیرقانونی طورپر قیدکرکے لاتوں سے مارتے ہوئےحملہ کرنے کا الزام بھی ہے۔ واقعہ کی اطلاع پاتے ہی جائے وقوع پر پہنچے محمد رضوان ، مجیب سید کے والدین اور بہن نے حملہ کو روکنےکی کوشش کی تو ماں اور بہن کے بال پکڑ کر کھینچ تانی کرتےہوئےانہیں دھکیلا گیا۔ اتنا سب ہونے تک کافی لوگ جمع ہوگئے تو ملزموں نے انہیں دھمکی دی کہ اگر تم نے پولس کیس کیاتو ایسے ہی نہیں چھوڑیں گے بلکہ تمہار ا قتل کردیں گے۔ محمد رضوان مجیب سید نے کمٹہ پولس تھانے میں شکایت درج کی۔ پولس کیس درج کرلینےکے بعد جانچ کررہی ہے۔
خواتین پر حملہ :مسافروں پر حملہ کئےجانےوالے معاملے میں منگلور کی عائشہ رملت سید کےبیٹے محمد رضوان پر ٹول ناکہ کے عملہ کو حملہ کرنے سے روکنے فاطمہ اور مجیب آگے بڑھے تو ملزمان کرن، ستیش، منجوناتھ اور 4-5ملزموں نے بیٹی کے جسم پر ہاٹھ اٹھاکر ، سرکے بال کھینچ کر دھکیل دی۔ عائشہ کی انگلیوں میں موجود انگوٹھی اور بیٹی کے گلےمیں موجود سونے کی چین توڑ کر کھینچا تانی کرتےہوئے ’تمہیں ختم کرکے ہی چھوڑیں گے ‘کہتےہوئے خواتین کی ہتک کئےجانے کے متعلق عائشہ رملت سید نے ان تینوں پر کیس درج کیا ہے۔ زخمی مسافر وں کو کمٹہ تعلقہ اسپتال میں علاج کرایا گیا ہے۔