کاروار: کینسر کے مرض سے پریشان کسان نے خود ہی چتاتیار کرکے اپنی جان دے دی!

Source: S.O. News Service | By I.G. Bhatkali | Published on 11th June 2020, 8:18 PM | ساحلی خبریں | ان خبروں کو پڑھنا مت بھولئے |

کاروار11/جون (ایس او نیوز) کاروارکے کونکن کوپا نامی مقام پر ایک دل دہلانے والا واقعہ پیش آیا جس میں کینسر سے پریشان ایک شخص نے اپنی آخری رسومات انجام دینے کے لئے اپنی چتا خود ہی تیار کی اور دنیا کی زندگی سے چھٹکارا پانے کے لئے چتا کی آگ میں کود پڑا۔

 اپنی مرضی سے چتا میں جل کر ہلاک ہونے والے شخص کی شناخت شیورام رام کرشنا ہیگڈے (65 سال) کے طورپر کی گئی ہے۔بتایا جاتا ہے کہ پچھلے کچھ عرصے سے شیورام کینسر کے مرض میں مبتلا تھااور حال ہی میں اس کی تکلیف میں اضافہ ہوگیا تھا۔ مرض کے لاعلاج ہونے کے احساس سے وہ دنیا سے ہی بیزار آگیا تھا۔ اس کے علاوہ اس کی بیماری سے گھرو الوں کو جو تکلیف ہورہی ہے اس کی وجہ سے بھی وہ دکھی تھا۔

کہا جاتا ہے کہ ذہنی اذیت اور دباؤ کے نتیجے میں اس نے گھر سے دور اپنے کھیتوں میں خودہی  لکڑیوں کاڈھیر لگاکر اپنی چتا جلائی۔ پھر اپنے کپڑے ایک درخت سے ٹانگنے کے بعد جلتی آگ میں کود پڑااورجل کر خاکستر ہوگیا۔ مبینہ طور پر اس نے اپنے کپڑوں کے ساتھ ایک چٹھی چھوڑی ہے جس میں لکھا ہے کہ دنیاکی زندگی چند روزہ ہے اس تکلیف اور دکھ سے چھٹکارا پانے کے لئے میں مرنے کو ترجیح دے رہا ہوں۔

 واقعے کی اطلاع ملنے پر پولیس نے معاملہ درج کرلیا ہے۔   
 

ایک نظر اس پر بھی

کاروار:ایس ایس ایل سی امتحان کے نتائج۔ سرسی کی سنّدھی ہیگڈے نے پایا ریاست میں پہلا رینک

امسال ریاست میں ایس ایس ایل سی کے جو امتحانات ہوئے تھے اس کا سامنا طلبہ نے کووڈ وباء کے پس منظر میں ذہنی تناؤ کے ساتھ کیا تھا۔اس کے بعد کافی دنوں سے طلبہ بڑی بے چینی کے ساتھ اپنے نتائج کا انتظار کررہے تھے۔

یلاپورکے دیہات میں محکمہ جنگلات کے افسران اور عملے کی طرف سے مسلسل ہراسانی کے خلاف بھٹکل میں دیا گیا میمورنڈم

ضلع شمالی کینرا کے یلاپور تعلقہ میں گولاپور نامی دیہاتی علاقے میں رہائش پزیر ایک 70سالہ خاتون اوراس کے خاندان کو محکمہ جنگلات کے افسران اور عملے کی جانب سے مسلسل ہراساں کیے جانے کا الزام لگاتے ہوئے جنگلاتی زمین پر بسنے والے لوگوں کے حقوق کے لیے جدوجہد میں مصروف تنظیم نے وزیر ...

یلاپورکے دیہات میں محکمہ جنگلات کے افسران اور عملے کی طرف سے مسلسل ہراسانی کے خلاف بھٹکل میں دیا گیا میمورنڈم

ضلع شمالی کینرا کے یلاپور تعلقہ میں گولاپور نامی دیہاتی علاقے میں رہائش پزیر ایک 70سالہ خاتون اوراس کے خاندان کو محکمہ جنگلات کے افسران اور عملے کی جانب سے مسلسل ہراساں کیے جانے کا الزام لگاتے ہوئے جنگلاتی زمین پر بسنے والے لوگوں کے حقوق کے لیے جدوجہد میں مصروف تنظیم نے وزیر ...

کرناٹک کے وزیر صحت بی سری راملو کورونا پوزیٹیو

کرناٹک کے وزیرصحت بی سری راملوکے کورونا وائرس (کووڈ-19) سے متاثر ہونے کی تصدیق ہوئی ہے - سری راملو نے اتوار کو ٹوئٹ کرکے یہ اطلاع دی-انہوں نے بتایا کہ ہلکا بخار ہونے کے بعد کورونا جانچ کرائی گئی تھی، جس میں ان کی رپورٹ پوزیٹیوآئی ہے - وزیر کو بورنگ اسپتال میں بھرتی کرایا گیا ہے ۔