منگلورو میں ایک اور خاتون ہوگئی فوت۔ ضلع میں کورونا سے ہونے والی 13ویں موت
منگلورو28/جون(ایس او نیوز) ضلع جنوبی کینرا میں کورونا نے آج ایک ہی دن میں تین مریضوں کی جان لے لی۔خیال رہے کہ آج صبح میں دو افراد موت کا شکار ہوگئے تھے۔ پھر دوپہر کو ایک خاتون نے کورونا سے لڑتے ہوئے دم توڑ دیا۔اس طرح ضلع میں کورونا سے اب تک ہلاک ہونے والوں کی تعداد 13ہوگئی ہے۔
آج دوپہر میں ہلاک ہونے والی 51سالہ خاتون جوکٹّے کی رہنے والی تھی۔ اسے ٹی بی کا مرض تھا اور 26جون کو اسے اسپتال میں داخل کیا گیا تھا جہاں اس کی جانچ کرنے پر کووِڈ پوزیٹیو نکلا تھا۔آج اس نے اسپتال میں ہی آخری سانس لی۔
اس سے قبل صبح میں بننوال کی 57سالہ خاتون اورسورتکل کا 31 سالہ نوجوان کورونا سے متاثر ہونے کے بعد موت کا شکار ہوچکے تھے۔