اڈپی : نئے ڈپٹی کمشنر کے طور پر ہوا کورما راؤ کا تقرر ۔ جگدیشا بنائے گئے وزیراعلیٰ کے جوائنٹ سیکریٹری
اڈپی ،30؍اگست (ایس او نیوز) ریاستی حکومت کی طرف سے جاری کیے گئے نوٹیفکیشن کے مطابق اڈپی ضلع کے ڈپٹی کمشنر کے طور پر خدمات انجام دے رہے جی جگدیشا کا تبادلہ کرتے ہوئے انہیں وزیر اعلیٰ بسوا راج بومئی کا جوائنٹ سیکریٹری بنایا گیا ہے اور ان کی جگہ پر کورما راؤ کو ضلع کا نیا ڈپٹی کمشنر مقرر کیا گیا ہے ۔
بی ٹیک انجینئرنگ کی ڈگری رکھنے والے 2011 بیاچ کے آئی اے ایس آفیسر کورما راو ایم تاحال کلبرگی میں نارتھ ایسٹرن کرناٹاک روڈ ٹرانسپورٹ کارپوریشن (این ای کے ایس آر ٹی سی) کے منیجنگ ڈائریکٹر کی خدمات انجام دے رہے تھے ۔
یاد رہے کہ جی جگدیشا نے 2019 میں اڈپی ضلع ڈی سی کا عہدہ سنبھالا تھا اور بڑی ہی جانفشانی کے ساتھ کورونا کی پہلی اور دوسری لہر پر قابو پانے میں کامیابی حاصل کی تھی ۔