کاروار 24/جون (ایس او نیوز) ضلع شمالی کینرا میں ایک ٹراما سینٹر اور سوپر اسپیشالٹی ہاسپٹل تعمیر کرنے کے لئے سوشیل میڈیا میں جو مہم چلائی جارہی ہے اور متعلقہ محکمہ جات کے افسران کو میمورنڈم دئے جارہے ہیں اس سلسلے میں ضلع کے رکن پارلیمان اننت کمار ہیگڈے نے اب تک کسی قسم کاردعمل ظاہر نہیں کیاتھا۔ اس لٹے سوشیل میڈیا پر مہم چلانے والوں کو اپنے اکاؤنٹ پر انہوں نے بلاک کررکھاتھا۔

اتوار کے د ن جب وہ کاروار شہر میں موجود تھے تو اسپتال کے لئے مہم چلانے میں سرگرم نوجوانوں نے ٹورسٹ بنگلو پر پہنچ کر ان سے ملاقات کی اور انہیں اسپتال کے قائم کرنے کے سلسلے میں میمورنڈم دیا۔ اس پر ردعمل ظاہر کرتے ہوئے انہوں نے کہا کہ اسپتال قائم کرنا میری ذمہ داری نہیں ہے یہ ریاستی حکومت کا کام ہے۔ اگر ریاستی محکمہ صحت کی طرف سے اسپتال کے لئے تجویز پیش کی جاتی ہے تو پھرمرکزی حکومت کی جانب سے ضروری امداد دی جائے گی۔ اس پر جب اخباری نمائندوں نے مزید وضاحت چاہی تو انہوں نے بڑے تکبر اور بے پروائی سے کہا:”سوپر اسپیشالٹی اسپتال چاہے توپھر آپ لوگ ہی قائم کرلیجیے“