بینگلورو ، 16 / مارچ (ایس او نیوز) پی یو سی بورڈ کے امتحان میں فیزکس کے پیپر میں طلبہ کو گریس مارکس دینے کا جو سرکیولر وائرل ہوا ہے اس کے تعلق سے پی یو سی بورڈ نے وضاحت کی ہے کہ یہ ایک جعلی سرکیولر ہے اور ایسا کوئی فیصلہ بورڈ نے نہیں کیا ہے ۔ 
    
پی یو سی بورڈ امتحانات کے انچارج ڈائریکٹر گوپال کرشنا ایچ این نے بتایا کہ فیزکس کا امتحانی پرچے کا ایک سے زائد جوابات والا حصہ کٹھن ہونے کی وجہ سے امتحان میں شریک تمام طلبہ کو گریس مارکس دینے کی خبر جو عام ہوئی ہے اور وہ جھوٹ اور افواہ ہے ۔ یہ خبر  طلبہ اور ان کے والدین کو غلط فہمی میں مبتلا کرنے کے مقصد سے اڑائی گئی ہے ۔