ہبلی 5 / مارچ (ایس او نیوز) بی جے پی رکن اسمبلی ماڈال ویروپاکشپّا کے بیٹے پرشانت کے گھر پر 8 کروڑ روپوں کی ضبطی کے بعد سی سی بی  پولس نے ہبلی کے ایک کاروباری شخص کے گھر پر چھاپہ مارکر  3 کروڑ روپے ضبط کرلئے ہیں۔
    
ہبلی بھوانی نگر  کے تاجر  رمیش بونگیری کے گھر پر یہ چھاپہ سی سی بی کے اسسٹنٹ کمشنر آف پولیس نارائن بھرمنی کی قیادت میں سنیچر صبح  مارا گیا تھا بتایا گیا ہے کہ چھاپہ ماری میں تین کروڑ کی نقدی برآمد کی گئی جس کے تعلق سے  پوچھ تاچھ جاری ہے۔

اس تعلق سے ہبلی کے اشوک نگر پولیس اسٹیشن میں کیس درج کیا گیا ہے ۔بتایا گیا ہے کہ یہ رقم کس ذرائع سےحاصل کی گئی تھی اور یہاں جمع کرکے رکھنے کا مقصد کیا تھا اس بارے میں سی سی بی کی طرف سے تحقیقات کی جا رہی ہے ۔