بریکنگ نیوز

بھٹکل : ہونّے گدّے سرکاری اسکول کا امرت مہااتسوا - 26 اور 27 جنوری کو منعقد ہونگی تقریبات

Source: S.O. News Service | Published on 24th January 2023, 8:19 PM | ساحلی خبریں |

بھٹکل،24 / جنوری (ایس او نیوز) بھٹکل تعلقہ کے ہونّے گدّے میں واقع سرکاری ہائر پرائمری اسکول کے قیام کو 75  سال مکمل ہونے پر امرت مہا اتسوا (پلیٹینم جوبلی) کی تقریبات 26 اور 27 جنوری کو منعقد ہونگی۔ 
    
امرت مہا اتسوا کمیٹی کے صدر روہیداس نائک نے اخباری نمائندوں سے بات چیت کرتے ہوئے کہا کہ اس 75 سالہ جشن کا آغاز 26 جنوری کو صبح پرچم کشائی کے ساتھ ہوگا ۔ مہادوار کا افتتاح اور دوپہر کے کھانے کا پروگرام رہے گا ۔ پھر شام پانچ بجے جشن کا باقاعدہ افتتاح ضلع انچاج وزیر شرینواس پجاری کے ہاتھوں ہوگا ۔ جلسہ کی صدارت رکن اسمبلی سنیل نائک کریں گے ۔ مہمانان خصوصی کے طور ہیبلے گرام پنچایت صدر کوُپُّو ایم گونڈا، ڈی ڈی پی آئی ایشور نائک ، ڈی وائی ایس پی شریکانت کے اور ڈاکٹر دیویندرا نائک بنگلورو شرکت کریں گے ۔ کنداپور بھنڈارکرس کالج کے پرنسپال خطاب کریں گے ۔ شام سات بجے طلبہ کا ثقافتی پروگرام ہوگا۔
    
انہوں نے بتایا کہ جشن کی اختتامی تقریب 27 جنوری کی شام 5 بجے منعقد ہوگی ۔ اس پروگرام کا افتتاح ویسٹرن گھاٹ کنزرویشن ٹاسک فورس کے صددر گووند نائک کریں گے اور صدارت کی ذمہ داری سابق ایم ایل اے منکال وئیدیا نبھائیں گے ۔ مہمانان خصوصی کے طور پر انچارج تحصیلدار اشوک بھٹ ، اسی ای او پربھاکر چکمنے ، بلاک ایجوکیشن آفیسر دیوی داس موگیر، بی آر سی پورنیما موگیر، عطیہ دہندگان لچمیّا سیدن منے ، عبدالناصر اور مختلف اداروں کے صدور شریک ہونگے ۔ باصلاحیت طلبہ میں انعامات تقسیم ہونگے اور شام  سات بجے سے رقص اور تفریحی پروگرام ہوگا ۔ 
    
اسکول کے ہیڈ ماسٹر دیوپّا الویکوڈی نے بتایا کہ اس جشن کا مقصد طلبہ کی محنت اور کاوشوں کو سراہنا اور اسکول کی ترقی و کامیابی سے روشناس کرانا ہے۔ 
    
1948میں ہوا تھا اسکول کا قیام: ہونے گدّے کے اس سرکاری ہائر پرائمری اسکول کی تاریخ بتاتی ہے کہ باپو صاحب کی نجی زمین پر واقع ایک کمرے یہ اسکول قائم کیا گیا تھا ۔ پھر کچھ عرصہ بعد اسے گنڈی گدّے میں منتقل کیا گیا ۔ اس کے دو سال بعد راما شیٹ کی نجی زمین پر اس اسکول کے لئے دو کمرے تعمیر کیے گئے ۔ اس کے بعد سرکاری طور پر اس اسکول کے لئے باقاعدہ دو کمرے تعمیر کیے گئے ۔ پھر مرحلہ وار اس کی ترقی و تعمیر ہوتی رہی ۔ 2016-17 میں محکمہ جنگلات کی طرف سے اس اسکول کے لئے 1 ایکڑ 16 گُنٹے زمین منظور کی گئی ۔ اس طرح ایک وسیع قطعہ زمین کے ساتھ یہ اسکول ترقی کی راہ پر گامزن ہے۔

ایک نظر اس پر بھی

بھٹکل میں کپڑا بینک کے زیرانتظام منعقد ہوا دانتوں کےمفت علاج کا کیمپ؛ 300 لوگوں نے کیا استفادہ

ھیل ہیومینٹی سروس المعروف کپڑا بینک کے زیرانتظام بھٹکل کی پرانی شفاء نرسنگ ہوم کی عمارت میں آج اتوار کو دانتوں کے علاج کا مفت کیمپ منعقد ہوا جس میں 300 سے زائد لوگوں نے شرکت کرتے ہوئے اپنے اپنے دانتوں کا علاج معالجہ کرایا۔

بھٹکل: آسارکیری مندر میں شادی کی رسم ادا کرنے سے برہمن پجاری نے کیا انکار؛ نامدھاری سماج کے نائب صدر نے کیا تشویش کا اظہار

ہم 21ویں صدی  میں ہیں لیکن 18ویں اور19ویں صدی کی  طرح دھرم اور ذات کے نام پر  ظلم وہراسانی کا سلسلہ  آج بھی  جاری ہے۔ 21ویں صد ی میں بھی اسی ذات پات اور چھوت چھات کا نظام ہرجگہ چھایا ہواہے۔ اس کےلئے آسارکیری کی نچل مکی شری وینکٹ رمن مندر اس کا منہ بولتا  ثبوت ہے، جہاں ں  شادی کی ...

بھٹکل : آسارکیری میں تعمیر کردہ مہادوار کا رکن اسمبلی کے ہاتھوں افتتاح

تعلقہ کی مشہور آسارکیری نامدھاری سماج کی نچل مکی شری ترومل وینکٹ رمن مندر تجدید کردہ مورتی کی نصب کاری ، پالکی مہوتسومذہبی پروگرام سمیت  رکن اسمبلی سنیل کی جانب سے مندر کے لئے تعمیر کردہ مہا دوار(صدردروازہ) کی افتتاحی تقریب کاانعقاد ہوا۔  شری رام اکشھتر کے شری برہمانند ...

بھٹکل میں دس سال مکمل ہونے کے باوجود نیشنل ہائی وے کام نامکمل؛ سرکل پر سے فلائی اوور غائب؛ این ایچ ڈیولپمنٹ کمیٹی نے رکھے مطالبات؛ نہ ماننے کی صورت میں زبردست احتجاج کادیا انتباہ

  بھٹکل  میں دس سال سے جاری نیشنل ہائی وے فورلائن  کا کام مکمل ہونے کا نام نہیں لے رہا ہے، ہر طرف کام کو ادھورا چھوڑا گیا ہے جس سے ہائی وے  کی خستہ حالی ظاہر ہورہی ہے۔ ایسے میں پتہ چلا ہے کہ ہائی وے کو تعمیر کرنے والی کنٹریکٹ کمپنی آئی آر بی نے  شمس الدین سرکل پر  جو فلائی اوور ...

انجمن پی یوکالج فورویمن بھٹکل میں چوہترواں جشن ِیوم جمہوریہ

26 جنوری بروز جمعرات صبح  آٹھ بجے انجمن پی یو کالج فار ویمن کے خدیجہ سید علی کیمپس  کے احاطے میں بدستِ پرنسپل ڈاکٹر فرزانہ محتشم کے رسمِ پرچم کشائی کی تقریب کاانعقاد کیا گیا۔ اس موقع پرطالبات سے خطاب کرتے ہوئے فرزانہ محتشم نے بتایا کہ 26 جنوری کی اہمیت یہ ہے کہ حکومت ہند ایکٹ ...