ڈانڈیلی،23؍جنوری (ایس او نیوز) ڈی وائی ایس پی انٹرنل سیکیوریٹی کی خدمات پر مامور رہے گنیش کے ایل کو ڈانڈیلی سب ڈیویژن ڈی وائی ایس پی کی حیثیت سے ٹرانسفر کردیا گیا ہے۔

اس سے ڈانڈیلی ڈی وائی ایس پی موہن پرساد کے تبادلے کے بعد یہ اسامی خالی رہ گئی تھی اور عبوری ڈی وائی ایس پی کی ذمہ داری ڈآکٹر شیوانند چیلوادی سنبھال رہے تھے۔ گنیش کے ایل نے 22جنوری کو گنیش چیلوادی سے اپنے عہدہ  کا چارج لیا۔

گنیش کے ایل نے کرناٹکا پی ایس آئی سروس کے تحت 1998میں محکمہ پولیس میں شمولیت اختیار کی تھی۔ اس سے پہلے انہوں نے سی پی آئی کے  بطور اڈپی، منگلورو اور بھٹکل میں خدمات انجام دی ہیں۔ پھر ان کا پرموشن ڈی وائی ایس پی انٹرنل سیکیوریٹی کے طور پر ہوگیا تھا، اور وہ گزشتہ ڈیڑھ سال سے اس عہدے پر فائز تھے۔