نیوزی لینڈ میں سیلاب سے تباہی۔ ہنگامی صورتحال کا اعلان
ایشبرٹن، یکم جون (ایس او نیوز؍ایجنسی) شدید بارشوں کی وجہ سے نیو زی لیند کے کئی شہروں میں صورتحال انتہائی خراب ہو گئی ہے اور کچھ شہروں میں تو ہنگامی صورتحال کا اعلان کر دیا ہے۔نیوزی لینڈ کے علاقے کینٹربری میں ہنگامی صورتحال کا اعلان کردیا گیا ہے ، جہاں شدید بارشوں کے باعث لوگوں کو سیلاب اور بجلی کی کٹوتی کا سامنا ہے۔
مقامی حکومت نے اتوار کے روز کہا ’’کینٹربری سول پروٹیکشن ایمرجنسی مینجمنٹ گروپ نے کینٹربری میں ہنگامی صورتحال کا اعلان کردیا ہے ، پورے خطے میں ہنگامی اختیارات میں توسیع کی گئی گئی ہےکیونکہ شدید بارشوں کے سبب سیلاب جیسی صورتحال پیدا ہوگئی ہے‘‘َ۔
اسٹف نیوز پورٹل کے مطابق اس وقت ایشبرٹن شہر میں 4000 گھروں میں سیلاب کا پانی داخل ہوگیا ہے اور افسران نے علاقے میں پھنسے لوگوں کو نکالنے کا کام شروع کردیا ہے۔
اس علاقے میں کئی راستے بند کردیئے گئے ہیں۔ تقریباً 300 گھروں میں بجلی کی سپلائی بند ہے۔ پیر تک اس خطے میں بارش ہونے کے آثار ہیں۔ تاہم ابھی تک کسی جانی نقصان کی اطلاع موصول نہیں ہوئی ہے۔
