بھٹکل:11؍جنوری (ایس اؤ نیوز) بھٹکل میں مختلف محکمہ جات کے سرکاری ملازمین کے درمیان اتوار کو منعقدہ کرکٹ ٹورنامنٹ میں محکمہ پولس ٹیم نے شاندار کھیل کا مظاہرہ پیش کرتے ہوئے فائنل مقابلے میں محکمہ ہیسکام کے خلاف بھی جیت درج کرلی اور ٹرافی جیت لی۔

ٹورنامنٹ میں  بھٹکل تعلقہ کے سرکاری ملازمین پر مشتمل آٹھ ٹیموں نے لیا تھا  جس میں محکمہ پولس اور ہیسکام کی ٹیم فائنل تک رسائی حاصل کرنے میں کامیاب ہوئی تھی۔ 

بھٹکل ساگر روڈ پر واقع پولس گراونڈ میں اس ٹورنامنٹ کا انعقاد کیا گیا تھا۔

 ٹورنامنٹ کے اختتام پر انعامی تقریب  میں  بھٹکل سی پی آئی دیواکر، پی ایس آئی بھرت وی اور ایچ بی کوڈ گونٹی سمیت  کھیل کمیٹی کے صدر اور بھٹکل سرکاری ملازمین کے ممبر وینکٹیش نائک ، ہیسکام کے شیکھر پجاری، ناگیش لمانی  اور ہیسکام یونین کے عہدیداران شری دھر نائک اور سرکاری ملازمین کے بی کے نائک اور گنیش ہیگڈے موجود تھے۔

بتایا گیا ہے کہ وینکٹیش نائک نے 10برس پہلے بھٹکل کے تمام  سرکاری محکمہ جات کے ملازمین کو ایک پلیٹ فارم  پر جمع کرنےکے مقصد سے  بھٹکل تعلقہ سرکاری ملازمین کھیل کمیٹی قائم کی تھی  ، جس کے اشتراک سے اس ٹورنامنٹ کا انعقاد کیا گیا تھا۔