لوک سبھا انتخابات: اُترکنڑا ڈپٹی کمشنر نے کمٹہ اوربھٹکل میں پارلیمانی انتخابات کی تیاریوں کا لیا جائزہ

Source: S.O. News Service | By I.G. Bhatkali | Published on 20th April 2019, 6:58 PM | ساحلی خبریں | ان خبروں کو پڑھنا مت بھولئے |

کاروار 20؍اپریل (ایس او نیوز) ڈپٹی کمشنر ڈاکٹر ہریش کمار نے ضلع شمالی کینرا کے حلقے میں واقع کمٹہ اور بھٹکل شہروں میں پارلیمانی الیکشن کے لئے انتظامیہ کی طرف سے کی گئی حتمی تیاریوں کا معائنہ کیا۔

ڈپٹی کمشنر ڈاکٹر ہریش کمار جو الیکشن آفسر بھی ہیں  نے جمعہ کے دن کمٹہ اور بھٹکل کا دورہ کیا۔انتخابی سرگرمیوں سے متعلق افسران کو پولنگ بوتھس پر جو تیاریاں کرنی ضروری تھیں ان کی تکمیل کے تعلق سے انہوں نے خود ہی مختلف پولنگ بوتھس پر پہنچ کر اس کا جائزہ لیا۔اس کے علاوہ کمٹہ کے بالیگا کالج میں ای وی ایم مشینیں رکھنے اورووٹوں کی گنتی کے لئے جو حفاظتی بندوبست کیے گئے ہیں ان کا بھی معائنہ کیا۔

ڈپٹی کمشنر نے دونوں تعلقہ جات کے مراکز میں اسسٹنٹ الیکشن آفیسر،فلائی اسکواڈ کے نوڈل افسران، ضابطہ اخلاق لاگو کرنے والی ٹیم کے نوڈل افسران وغیرہ کے ساتھ میٹنگ منعقد کی۔انہوں نے افسران کو بتایا کہ 21اپریل کو انتخابی تشہیری مہم اپنے اختتام کو پہنچ جائے گی۔ اس کے بعد اتخابی ضابطہ اخلاق کے خلاف ورزی کے معاملات نہ ہوں اس پر کڑی نظر رکھی جائے ۔افسران کو ان کی ذمہ داریوں سے آگاہ کرتے ہوئے انتخابات کو بحسن و خوبی انجام دینے کے لئے تمام ضروری اقدامات کرنے کی ہدایت دی۔انہوں نے کہا کہ جہاں کہیں بھی انتخاب سے متعلق کوئی تنازعہ پیدا ہوتا ہے تو فوری طور پر اس کی معلومات ہیڈکوارٹر کو دینا اور مسئلہ کو حل کرنا اسسٹنٹ الیکشن آفیسر کی ذمہ داری ہے۔

ڈی سی نے کہا اس مرتبہ پولنگ میں حصہ لینے والے معذورووٹروں کے لئے جو سہولتیں فراہم کرنے کا منصوبہ بنایا گیا ہے ، اس طرف افسران پوری توجہ دیں۔الیکشن کی نگرانی کے لئے جن افسران کو تعینات کیا گیا ہے، ان کے لئے ضروری ہوگا کہ ڈی سی کے دفتر سے جو بھی معلومات طلب کی جائیں گی ، اسے فوراً فراہم کرنے کے لئے ہمہ وقت تیار رہیں۔

اس موقع پر کمٹہ کی اسسٹنٹ کمشنر پریتی گہلوت اور آئی اے ایس پروبیشنردلیپ سنی موجود تھے۔

ایک نظر اس پر بھی

اُترکنڑا سے چھٹی مرتبہ جیت درج کرنے والے اننت کمار ہیگڑے کی جیت کا فرق ریاست میں سب سے زیادہ؛ اسنوٹیکر کو سب سے زیادہ ووٹ بھٹکل میں حاصل ہوئے

پارلیمانی انتخابات میں شمالی کینرا کے بی جے پی امیدوار اننت کمار ہیگڈے نے پوری ریاست کرناٹک میں سب سے زیادہ ووٹوں سے کامیابی حاصل کی ہے۔ انہوں نے 479649 ووٹوں کی اکثریت سے کانگریس  جے ڈی ایس مشترکہ اُمیدور  آنند اسنوٹیکر  کو شکست دی ۔

ریاست میں کبھی ہار کا منھ نہ دیکھنے والے سیاسی لیڈروں کی ذلت بھری شکست

ریاست کرناٹکا میں انتخابی میدان میں کبھی ہار کا منھ نہ دیکھنے والے چند نامورسیاسی لیڈران جیسے ملیکا ارجن کھرگے، دیوے گوڈا، ویرپا موئیلی اورکے ایچ منی اَپا وغیرہ کو اس مرتبہ پارلیمانی انتخاب میں انتہائی ذلت آمیز شکست سے دوچار ہونا پڑا ہے۔ 

منگلورو:کلاس میں اسکارف پہننے پر سینٹ ایگنیس کالج نے طالبہ کو دیا ٹرانسفر سرٹفکیٹ۔طالبہ نے ظاہر کیاہائی کورٹ سے رجوع ہونے اور احتجاجی مظاہرے کاارادہ

کلاس روم میں اسکارف پہن کر حاضر رہنے کی پاداش میں منگلورومیں واقع سینٹ ایگنیس کالج نے پی یو سی سال دوم کی طالبہ فاطمہ فضیلا کو ٹرانسفر سرٹفکیٹ دیتے ہوئے کالج سے باہر کا راستہ دکھا دیا ہے۔

بھٹکل میں رمضان باکڑہ کی نیلامی؛ 40 باکڑوں کے لئے میونسپالٹی کو 1126 درخواستیں

رمضان کے آخری عشرہ کے لئے بھٹکل  میں لگنے والے رمضان باکڑہ کی آج میونسپالٹی کی جانب سے  نیلامی کی گئی۔ بتایا گیاہے کہ 40 باکڑوں کی نیلامی کے لئے  میونسپالٹی کے جملہ 1126 درخواست فارمس فروخت ہوئے تھے۔ 

وائی ایس آر کانگریس کے سربراہ کی وزیراعظم مودی سے ملاقات، آندھرا کو خصوصی درجہ دینے پر زور

 وائی ایس آر کانگریس کے سربراہ جگن موہن ریڈی نے وزیر اعظم نریندر مودی سے اتوار کو دہلی میں ان کی رہائش گاہ پر ملاقات کی۔اس کے بعد انہوں نے بغیر کسی طے پروگرام کے بی جے پی کے قومی صدر امت شاہ سے ملاقات کی۔

اسمرتی ایرانی کے قریبی سابق پردھان کا گولی مار کر قتل ، علاقہ میں کشیدگی

اترپردیش کے امیٹھی میں ہفتہ دیر رات اسمرتی ایرانی کے قریبی سابق پردھان کا گولی مار کر قتل کردیا گیا ۔ اطلاعات کے مطابق جامو تھانہ حلقہ کے برولیا گاوں کے سابق پردھان سریندر سنگھ کو نامعلوم بدمعاشوں نے گولی مار کر موت کے گھاٹ اتار دیا ۔ بدمعاشوں نے واقعہ کو اس وقت انجام دیا جب ...