منگلورو: جنوبی کینرا اور اڈپی میں کورونا گائڈ لائنس اورکرفیو قوانین کی پابندی نہ کرنے پر موٹر گاڑیاں کی گئیں ضبط
منگلورو ،4؍ مئی (ایس او نیوز)جنوبی کینرا اور اڈپی ضلع کے پولیس افسران نے کورونا گائڈ لائنس اورکرفیو قوانین کی خلاف ورزی کرنے پر کئی موٹر گاڑیوں کو ضبط کرتے ہوئے کیس داخل کیے۔
موصولہ رپورٹ کے مطابق جنوبی کینرا میں 5 ایف آئی آر درج کی گئی ہیں۔ ماسک نہ پہننے پر 266 افراد پر کیس درج کیے گئے۔ 17 موٹر گاڑیاں ضبط کی گئی ہیں۔ پولیس کمشنریٹ کے حدود میں 66 دو پہیہ اور 4 چار پہیہ موٹر گاڑیاں ضبط کردی گئیں۔ انفیکشیز ڈیسیز کنٹرول اینڈ پریونشن ایکٹ کے تحت 12 کیس داخل کیے گئےہیں، جبکہ نیشنل ڈسیاسٹر منیجمنٹ ایکٹ کے تحت 15 کیس درج ہوئے ہیں۔
اڈپی سے ملی خبر کے مطابق وہاں پر لاک ڈاون قانون کی خلاف ورزی کے جرم میں 37 موٹر گاڑیوں کو پولیس نے اپنی تحویل میں لے لیا۔ 6 دوپہیہ اور 3 چار پہیہ گاڑیوں کو ضبط کیا گیا۔ کووڈ قانون کی خلاف وزری کے جرم میں 6 کیس درج داخل کیے گئے۔