اڈپی: ادیاور کے نوجوان بی جے پی لیڈر نے لگائی ندی میں چھلانگ
اڈپی 26/اپریل (ایس او نیوز) نیشنل ہائی وے 66پرادیاور کے قریب واقع پُل پر ایک نوجوان نے مبینہ طور پر اپنی موٹربائک پارک کردی اور اچانک ندی میں چھلانگ لگا دی۔ اس شخص کی شناخت ادیاور کے رہنے والے اشوک امین (38سال)کے طور پر کی گئی ہے جو کہ بی جے پی سے تعلق رکھنے والا ایک نوجوان لیڈر تھا۔
عینی شاہدین کا کہنا ہے کہ اشوک نے جیسے ہی ندی میں چھلانگ لگائی تو انہوں نے کاپ پولیس اسٹیشن کو اس کی خبر کردی۔مقامی افراد کی مدد سے پولیس نے اشوک امین کو ندی میں تلاش کرنے کی مہم چلائی۔مقامی لوگوں کا کہنا ہے کہ مالی مشکلات کی وجہ سے تنگ آکر اشوک نے خودکشی کی نیت سے ندی میں چھلانگ لگائی ہوگی۔