بھٹکل : نیوشمس اسکول کا سالانہ جلسہ برائے طالبات : ہونہار طالبہ مسیرہ بنت مقیم ہلارے کو ملا ’نجمِ اخوان ‘ گولڈ میڈل
بھٹکل:09؍ جنوری(ایس اؤ نیوز ) تربیت ایجوکیشن سوسائٹی بھٹکل کی زیرسرپرستی چلنے والی نیو شمس اسکول کی طالبات کے لئے منعقدہ سالانہ جلسہ میں اسکول کی ہونہار طالبہ مسیرہ بنت محمد مقیم عثمان ہلارے کو ’نجمِ اخوان ‘گولڈ میڈل اور اسکول کی استانی فہمیدہ خضر ملا کو سال کی بہترین استانی کے ایوارڈ سے نوازا گیا ۔ یاد رہے کہ اتوار کو ہوئے لڑکوں کے پروگرام میں لڑکوں میں امسال کا نجم اخوان کا گولڈ میڈل دسویں جماعت کے عبداللہ ابن ارشاد رکن الدین کو دیا گیا تھا۔ جس نے تعلیمی میدان میں شاندار پرفارمینس پیش کیا تھا۔
09جنوری 2023بروز پیر کو اسکول صحن میں لڑکیوں کے لئے منعقدہ تقریب میں مہمان خصوصی جامعہ الصالحات بھٹکل کی پرنسپل محترمہ زینت آپا عثمان غنی رکن الدین نے میسرہ ہلارے کی گل پوشی کرتے ہوئے مع سند ایوارڈ سے تہنیت کی۔ اسکول کی سطح پر استانی فہمیدہ خضر کو بہترین استاد اور رجمی کوبٹے کو بہترین کوآرڈینیٹر کے خطاب سے نوازاگیا۔ 25سال سے تدریسی خدمات انجام دینےوالی ارجمند کی بھی تہنیت کی گئی ۔
ایوارڈ تقریب کے بعدخطاب کرتےہوئے مہمان خصوصی زینت آپانے کہاکہ شمس اسکول کی طالبات بہت ہی ہونہار اور باصلاحیت ہیں ، شمس اسکول کے طلبا کی یہ خوش نصیبی ہے کہ ییہاں انہیں زندگی کی تشکیل کی تربیت کا ماحول میسر ہے۔ زینت آپا نے طالبات سے اپنی صلاحیتوں کا بہتر استعمال کرتےہوئے آسمان کی بلندیوں کو چھونے لینےکی تمنا کا اظہارکیا۔اسکول کی سابق پرنسپل صبیحہ فاروق کوڑا اعزازی مہمان تھیں۔ اسکول کے صدرمدرس لیاقت علی نے جلسہ کی صدارت کرتے ہوئے کہاکہ اساتذہ اور طلبا کی متحدہ کوششوں سے ہی ترقی ممکن ہے جس کا ایک مظاہرہ ہم نےیہاں دیکھا ہے۔ انہوں نےکہاکہ جو منزلوں کو چھونا چاہتے ہیں وہ کسی راہ کے روڑے کا بہانہ نہیں بناتے۔ ہرحال میں اپنی منزل پر جا کر ہی دم لیتے ہیں۔ جلسے میں گذشتہ سال آئی سی ایس سی کے 10ویں امتیازی نمبرات سے کامیاب ہونےوالی 14طالبات کو میمونٹو سونپتے ہوئے ان کی تہنیت کی گئی ۔ ڈائس پر وگرا م کے بعد طالبات کے ذریعے دلچسپ تعلیمی و ثقافتی پروگرا م پیش کئے گئے۔
:Related News
