بھٹکل میونسپالٹی انتخابات؛ 11 پرچے لئے گئے واپس؛ 12 اُمیدوار بلامقابلہ منتخب؛ 27 اُمیدوار لڑیں گے انتخاب

Source: S.O. News Service | By I.G. Bhatkali | Published on 21st May 2019, 1:44 PM | ساحلی خبریں |

بھٹکل 21/مئی (ایس او نیوز) بھٹکل میونسپالٹی کے23 وارڈوں کے لئے ہونے جارہے انتخابات میں کل 20 مئی کو پرچہ نامزدگی واپس لینے کا آخری دن تھا جس میں 11 اُمیدواروں نے مقابلے  سے اپنے نام  واپس لئے۔ اسی کے ساتھ بھٹکل میونسپالٹی کے لئے کانگریس کے حمایت یافتہ  نو آزاد اُمیدوار  اور تین کانگریسی اُمیدوار یعنی جملہ  12 کونسلرس بلا مقابلہ  منتخب ہوگئے جبکہ بقیہ 11 وارڈوں کے لئے انتخابات  ہوں گے جس کے لئے 27 اُمیدوار میدان میں ہیں۔ خیال رہے کہ انتخابات 29 مئی کو ہوں گے۔

بلا مقابلہ منتخب ہونے والوں کے نام یہ ہیں: وارڈ نمبر ایک کے لئے  سبینہ تاج (آزاد)،  وارڈ نمبر 2کے لئے  محمد پرویز قاسمجی (آزاد)،  وارڈ نمبر 3 کے لئے  پریا فرنانڈیز (کانگریس)،  وارڈ نمبر 5 کے لئے  جگنا تھ گونڈا (کانگریس)، وارڈ نمبر 9 کے لئے  سبین  شینگیری (آزاد)،  وارڈ نمبر 12 کے لئے  نائطے عبدالروف (کانگریس)، وارڈ نمبر 13 کے لئے  آسیہ نِدا سدی باپا (آزاد)، وارڈ نمبر 14 کے لئے  رُوبینہ ذاکر حُسین بیری  (آزاد)، وارڈ نمبر 16 کے لئے محمد قیصر محتشم (آزاد)، وارڈ نمبر 17 کے لئے  محتشم محمد عظیم (آزاد)،  وارڈ نمبر 20 کے لئے  فیاض حُسین مُلّا (آزاد) ،  وارڈ نمبر 21 کے لئے  چامندی فاطمہ کوثر (آزاد) منتخب ہوگئے ہیں۔

اس سے پہلے  وارڈ نمبر 3 سے کاملین ڈیسوزا،  وارڈ نمبر 4 سے مبشر حُسین ہلارے،  وارڈ نمبر 7 سے  نمیتا سُریش نائک، وارڈ نمبر 11 سے سندیپ کولّے،  وارڈ نمبر 15 سے ناگراج نائک، دیوارڈیگا آننت،  وارڈ نمبر 16 سے شینگیری جاوید محمد اور محمد شاہد آرمار ، وارڈ نمبر 20 سے محمد شاہدآرمار، وارڈ نمبر 22 سے پرتیما نائک اور  وارڈ نمبر 23 سے آرون نائک نے اپنے اپنے پرچے واپس لئے تھے۔

اب  جن وارڈوں کے لئے انتخابات ہوں گے، اُس کی تفصیلات کچھ اس طرح ہیں: 

وارڈ نمبر 4: اسماعیل اِمشاد مختصر (آزاد) بمقابلہ اُودے نائک (بی جےپی )

وارڈ نمبر 6:  محی الدین الطاف کھروری (آزاد) بمقابلہ  محی الدین سلیط دامودی (آزاد)

وارڈ نمبر 7: زرین محمدغوث  (آزاد)   بمقابلہ مڈیوال سُوما (بی جے پی)

وارڈ نمبر 8:  وکٹر گومس (آزاد) بمقابلہ پاسکل گومس (آزاد)

وارڈ نمبر10: فرزانہ بانو خان یونس (آزاد)  بمقابلہ راجوتی نائک (بی جے پی)

وارڈ نمبر 11:  راجو شیٹ (آزاد)، وینکٹیش نائک (کانگریس)، ماروتی شیٹ (جےڈی ایس)، رگھویندرا شیٹ (بی جے پی)، اُودے رائکر (آزاد)،

وارڈ نمبر 15: موہن نائک (آزاد) بمقابلہ کمار نائک (بی جے پی)

وارڈ نمبر 18: عائشہ حبیب احمد (آزاد) بمقابلہ جینتی دیوداس مِنجچی (بی جے پی)

وارڈ نمبر 19: رگھویندرا بابو گاولی (آزاد) ، رویندرا سُوبّو منگلا (بی جے پی) ، نارائن گاولی (جےڈی ایس)

وارڈ نمبر 22: پربھو رجنی بائی (بی جے پی) بمقابلہ مُلّا نسیم افروسی  (آزاد)

وارڈ نمبر 23: کرشنانند پائی  (آزاد)، یشودھر نائک (بی جے پی)، مصطفیٰ  محمد قاسم

 

ایک نظر اس پر بھی

بھٹکل کے قریب منکی ریلوے پٹری پر پائی گئی نامعلوم شخص کی ٹکڑوں میں بکھری ہوئی نعش؛ تیز رفتار ٹرین کی زد میں آکر ہلاک ہونے کا شبہ

پڑوسی تعلقہ ہوناور کے منکی  پولس اسٹیشن کے عقب میں واقع ریلوے پٹری پر ایک نامعلوم شخص کی  تکڑوں میں بکھری ہوئی نعش پائی گئی ہے جس کے تعلق سے پولس کو  شبہ ہے کہ  رات کے کسی پہر میں   یہ شخص غالباً  ریلوے پٹری کراس کررہا ہوگا جس  کے دوران تیز رفتار ٹرین کی زد میں آکر ہلاک ہوگیا ...

سولیا: پہاڑی مہم جو ٹیم کا ایک رکن ہوگیا لاپتہ۔قریبی جنگلات میں جاری ہے تلاشی مہم 

بنگلورو کی ایک کمپنی کے ملازمین کی ٹیم سبرامنیا میں واقع پہاڑی ’کمارا پروتا‘ کو سر کرنے کی مہم پر نکلی تھی۔ لیکن واپسی کے وقت ٹیم کا ایک رکن جنگلات میں اچانک لاپتہ ہوگیا ہے، جس کی شناخت سنتوش (25سال) کے طور پر کی گئی ہے۔

منڈگوڈ میں بیک وقت کئی گھروں میں چوری کی وارداتیں۔ لاکھوں روپے نقد اور زیورات چور اڑالے گئے

منڈگوڈ کے چیگلّی گرام میں ایک ہی رات میں کئی گھروں میں چوری کی وارداتیں دئے جانے کی اطلاع موصول ہوئی ہے۔ بتایا جاتا ہے کہ گزشتہ رات تین بجے کے قریب گاؤں کی مختلف گلیوں میں واقع6 گھروں کے اندر چوروں نے گھسنے اور لوٹ مچانے کی کوشش کی جس میں سے دو گھروں میں انہیں کامیابی ملی اور وہ ...

کاروار: پرائیویٹ اسکولوں میں بھی اسکاؤٹس اینڈ گائڈس کی شاخیں لازماً قائم ہوں: ڈاکٹر ہریش کمار

موجودہ حالات میں بچوں کے درمیان انسانی اقدار کی پرورش کرنا بہت ضروری ہے۔ اس سلسلےمیں پرائیویٹ اسکولوں میں بھی لازماً اسکاؤٹس اینڈ گائڈس کی شاخ کا قیام عمل میں لاکر مختلف سرگرمیوں کو انجام دینے کی اترکنڑا ڈپٹی کمشنر ڈاکٹر ہریش کمار نے ہدایات جاری کیں۔

کاروار میں ’سوچھ رتھ ‘موبائیل سواری کا اجراء: ضلع کو پاکیزہ بنانا ہم سب کی ذمہ داری ہے: جئے شری موگیر

اترکنڑا ضلع کو ’پاکیزہ ضلع‘ کی حیثیت سے ترقی دینا ہم سب کی ذمہ داری ہے۔ ضلع کو ریاست کا پہلا گندگی سے پاک ضلع بنانے کے لئے ہم سب کو کام کرنا ہے۔ اترکنڑا ضلع پنچایت کی صدر جئے شری موگیر نے ان خیالات کا اظہار کیا۔