بھٹکل : مہاتماگاندھی گرام سوراجیا پروگرام میں بھٹکل کانگریس عہدیداران کی فہرست جاری : ضلع پنچایت ، تعلقہ پنچایت انتخابات کی تیاریاں

Source: S.O. News Service | By Abu Aisha | Published on 23rd September 2021, 9:04 PM | ساحلی خبریں | ان خبروں کو پڑھنا مت بھولئے |

بھٹکل: 23؍ستمبر(ایس اؤ نیوز) بھٹکل بلاک کانگریس نے آج جمعرات کو  نیند سے بیدار ہونے کا ثبوت دیتے ہوئے بھٹکل اربن بینک ہال میں منعقدہ گرام سوراجیا پروگرام میں پارٹی عہدیداران کی فہرست جاری کی اور اس بات  عندییہ دیا کہ  اگلے دنوں میں پارٹی کو مضبوط و مستحکم کیا جائے گا۔

بھٹکل ودھان سبھا حلقہ کی  کانگریس نگراں کار ویرونیکا نے پروگرام کا افتتاح کرنے کے بعد خطاب کرتےہوئےکہاکہ نوجوانوں اور خواتین کو پارٹی میں زیادہ شامل کریں ۔ عوام بی جے پی حکومت سے بیزار ہوچکے ہیں، بی جے پی لیڈران صرف اپنی جھولی بھرنے میں مگن ہیں۔ عوام بی جے پی سے بیزار ہونےکا پتہ جیسے ہی بی جے پی والوں کو چلتاہے تو فوراً سوشیل میڈیا پر ٹرول آرمی متحرک ہوجاتی ہے اور جھوٹی خبروں کی جھڑی لگا کر عوام کا دھیان بھٹکا دیتے ہیں۔ اس سلسلے میں کانگریس کے لیڈران اور کارکنان نے سوشیل میڈیا کا استعمال کرتے ہوئے عوام کے سامنے سچائی کو ظاہر کرنے کاکام کرنےکی اپیل کی۔

سابق رکن اسمبلی منکال وئیدیا نے خطاب کرتے ہوئےکہاکہ بی جے پی والے گاندھی جی کے متعلق کوئی اچھا خیال نہیں رکھتے۔ دستور بدلنے کی بات کرنےو الے بی جےپی لیڈران اپنی من مرضی کے مطابق قانون بدلنے میں مصروف ہیں۔ کورونا کی وجہ سے عوام کافی مشکلات میں پھنسے ہیں، عوام کی مدد وتعاون کے لئے پارٹی لیڈران و کارکنان کو آگے آنے کی اپیل کی۔ سابق رکن اسمبلی جے ڈی نائک نے بات کرتے ہوئےکہاکہ گاندھی جی کے رام راجیا اور بی جے پی کےرام راجیا میں کافی فرق ہے۔ بی جے پی اگلے انتخابات میں رام کو کہاں رکھیں گے کہہ نہیں سکتے۔ بی جے پی 1993کے فسادات کا استعمال کرتےہوئے بھٹکل میں اپنے قدم جمائے ، جھوٹ ہی بی جے پی کا اصل سہاراہے۔ بی جے پی کے دورحکومت میں عوام کو مصیبتوں کا سامنا ہے۔ کانگریس لیڈران وزیٹنگ کارڈ تک محدود نہ رہیں ، ہمارا ہرایک عہدیدارکم   سے کم 500عوام کو پارٹی میں شامل کرنےکی قوت رکھنا چاہئے۔ کانگریس کے ضلع جنرل سکریٹری ایس کے بھاگوت ، مہیلا کانگریس کی ضلع صدر سجاتا گاؤنکر، ضلع کانگریس اقلیتی شعبہ کے صدر عبدالمجید نے بھی اپنے خیالات کا اظہارکیا۔ بھٹکل بلاک کانگریس صدر سنتوش نائک نے استقبال کرتےہوئے نئے عہدیداران کی فہرست جاری کی۔ بھٹکل کانگریس پسماندہ طبقات کے صدر وشنو دیواڑیگا نے شکریہ اداکیا۔ کرشنا دیواڑیگا نے نظامت کے فرائض انجام دئیے۔ ڈائس پر کانگریس ضلع جنرل سکریٹری عباس تونسے ، ضلع پنچایت سابق صدر جئے شری موگیر، تعلقہ پنچایت سابق صدر ایشور نائک، البرٹ ڈیکوستھا، سندھو بھاسکر، جئے لکشمی گونڈ، نینا نائک وغیرہ موجود تھے۔

ایک نظر اس پر بھی

بھٹکل جماعت اسلامی ہند کی جانب سے سیرتﷺ مہم کی مناسبت سے کینوپی لگا کر کنڑا سیرت کتابوں کی تقسیم

جماعت اسلامی ہند کرناٹکا حلقہ کی طرف سے نبی ﷺ کی تعلیمات کو مسلمانوں اور برادران وطن تک پہنچانے کےلئے 17اکتوبر تا 26اکتوبر تک ریاستی سطح پر ’’سیرتﷺ مہم ‘‘ منائی جارہی ہے  ۔ اسی مناسبت سے جماعت اسلامی ہند بھٹکل کی جانب سے 19اکتوبر کی صبح میں کینوپی لگاتےہوئے بزبان کنڑی کتابچوں ...

بھٹکل موٹیا گوٹس فارم کے مالک محمد ارسلان موٹیا کی تہنیت

باگلکوٹ ضلع کے مہالنگپور نامی صنعتی و کسانوں کے شہر میں گوٹس فارم مالکان کےلئے منعقدہ گوٹس فارم ماڈرن ٹکنک ورکشاپ میں کورونا لاک ڈاؤ ن میں ریاست بھر کے گوٹس فارم مالکان کی پریشانی اور تکالیف کو دور کرتے ہوئے   انہیں دوبارہ پیشے سے وابستہ کرنےمیں مدد اور رہنما ئی کرنے والے ...

شاہ رُخ خان کے بیٹے آرین خان کی حمایت میں شیوسینالیڈرپہنچے سپریم کورٹ

بالی ووڈ کے سپر اسٹار شاہ رخ خان کے بیٹے سے وابستہ کروز ڈگرس پارٹی کا معاملہ سپریم کورٹ تک پہنچ گیا ہے۔ شیو سینا کے لیڈر کشور تیواری نے سپریم کورٹ میں درخواست پیش کرتے ہوئے آرین خان اور دیگر ملزمان کے بنیادی حقوق کا حوالہ پیش کیا ہے۔

کونکن ریلوے سروس کے مکمل ہوئے31 سال ۔ سورتکل - انکولہ کے درمیان کیا رو - رو سروس کا آغاز 

کونکن ریلوے سروس کے 31 سال مکمل ہونے پر ورچیول جشن منایا گیا اور اس موقع پر سورتکل - انکولہ کے درمیان مال بردار ٹرکس / کنٹینرس  لے جانے والے ٹرکس کی نقل و حمل کے لئے رول آن - رول آف (رو - رو) سروس کا شروع کرنے کا اعلان کیا گیا ۔