بھٹکل:15؍جون(ایس اؤ نیوز) بھٹکل کے مستقر تاجر پیشہ حضرات نے بھٹکل اسسٹنٹ کمشنر کو میمورنڈم سونپتے ہوئے مطالبہ کیا ہےکہ کورونا لاک ڈاون میں اب جو ڈھیل دی گئی ہے، اس میں گارمینٹ کی دکانوں کو بھی کھولنے کی اجازت دی جائے اور  اپنی کاروباری  سرگرمیاں جاری رکھنے کا موقع فراہم کیا جائے۔

گارمنٹ مرچنٹ اسوسی ایشن کے ذمہ داروں نے اے سی ممتادیوی کو میمورنڈم پیش کرتے ہوئے بتایا کہ کورونا لاک ڈاؤن کی وجہ سے ان کا کاروبار بری طرح متاثر ہوا ہے جس سے انہیں  کافی نقصان پہنچا ہے۔ جائیداد کے مالکان کو  دکانوں کاکرایہ ہرحال میں ادا کرنا ہے ، دکانداروں نے  بینکوں سے جو قرضہ لیا ہے،  اُس کی  قسط  ہر حال میں ادا کرنی ہے، لیکن دکانیں بند ہوجانے سے  وہ  قسط دا کرنےکے قابل نہیں ہیں۔ ہول سیلر سے خطیررقم کے سامان خریدے گئے ہین  لیکن لاک ڈاون کی وجہ سے  سامان  دکانوں میں ہی بند ہیں اور  فروخت نہیں ہوسکے ہیں، مگر ہمیں  ہمیں اپنی پارٹی کو بڑی بڑی رقومات ادا کرنے ہی ہیں،  اب مال ہی نہیں بکا ہے تو ہم کہاں سے اُن کا  بقایا ادار کریں ؟  اسی طرح دکانوں میں کام کرنےو الے مزدور لوگ بھی تنخواہیں نہ  ملنے سے پریشان ہیں اور اپنی زندگی کے گزارے کےلئے اڈوانس مانگ رہے ہیں ہم کہاں سے دیں۔  تاجرپیشہ حضرات کو ایسےکئی ایک مسائل کا سامنا ہے۔ ان سبھی وجوہات کو دھیان میں رکھتے ہوئے دکانداروں نے اے سی سے  مطالبہ کیا کہ اُنہیں  اپنی ریڈی میڈ دکانوں کو کھولنے کی اجازت دی جائے۔ اس موقع پر فیضان کاسرکوڈ، عبدالقیوم کولمبو،  ممشاد ایس ایم، ضمیر ایس ایم، انصار وغیرہ  لوگ موجود تھے۔