بھٹکل،21؍اپریل (ایس او نیوز) لاک ڈاؤن کی وجہ سے عام مریضوں کو اسپتال تک پہنچنے میں جو دشواری پیش آ رہی ہے اسے دیکھتے ہوئے ’کیریا شیل گیلیرا سنگھابھٹکل‘ اور ’آٹو رکشہ چالکرا سنگھا بھٹکل‘ نے مقامی مریضوں کے لئے مفت آٹو سروس دینے کا فیصلہ کیا ہے۔

ان دونوں اداروں کی طرف سے مشترکہ طور پر جاری کیے گئے اخباری بیان کے مطابق کورونا وائرس کی وباء اور لاک ڈاؤن کی وجہ سے بھٹکل تعلقہ کے تمام آٹو رکشہ بند رکھے گئے ہیں۔ اور جو مقامی افراد ہمیشہ رکشہ کے ذریعے ہی سفر کیا کرتے تھے ان کے لئے بہت زیادہ دشواریوں کا سامنا کرنا پڑ رہا ہے۔خاص کرکے سرکاری اور نجی اسپتالوں تک پہنچنے کے لئے مریضوں کے لئے کوئی سہارا نہیں ہے۔ اس مسئلے پر غور کرنے کے بعد ان دو اداروں کے ذمہ داروں نے مریضوں کو اسپتال تک لے جانے کے لئے مفت سروس دینے کا فیصلہ کیا ہے۔اخباری بیان میں کہا گیا ہے کہ جو مقامی مریض اس سروس سے فائدہ اٹھانا چاہتے ہیں وہ مندرجہ ذیل نمبروں پر رابطہ کریں:

1۔  بھاسکر نائک (صدرکیریا شیل گیلیرا سنگھابھٹکل)  8618964405    
2۔  کرشنا نائک (صدر بھٹکل آٹو رکشہ چالکرا سنگھا)  9916279102 
3۔  شری کانت نائک  7760901212
4۔  پرین نائک  9742243766
5۔  وسنت نائک  8660982393
6۔  ہنومنت نائک  8073438838
7۔  سریش نائک  9886986357
8۔  دیا نائک شیرالی  9742694515