بھٹکل انجمن کی صد سالہ جشن کی تقریبات کے موقع پر گرلس ہائی اسکول میں’انجمن الومنی ڈے ‘ کا انعقاد

Source: S.O. News Service | By Abu Aisha | Published on 30th November 2019, 8:36 PM | ساحلی خبریں | ان خبروں کو پڑھنا مت بھولئے |

بھٹکل:30؍نومبر(ایس اؤ نیوز) انجمن حامئی مسلمین بھٹکل کی صد سالہ جشن کی تقریبات کے موقع پر سنیچر کو بستی روڈ پر واقع انجمن  گرلس ہائی اسکول میدان  میں’انجمن الومنی ڈے ‘ کا انعقاد کیا گیا جس میں انجمن گرلز ہائی اسکول بستی روڈسمیت انجمن گرلز ہائی اسکول نوائط کالونی سے فارغ  طالبات نے بڑھ چڑھ کر حصہ لیا۔

جلسہ میں  ڈاکٹر نازیہ شاہ بندری نے مہمان خصوصی کی حیثیت سے خطاب کرتے ہوئے پروگرام میں شریک  طالبات پر زور دیا کہ وہ اپنی سابقہ پڑھائی کے اہم نوٹس حفاظت کے ساتھ  رکھیں  کیونکہ آگے کی زندگی میں خود کو یا اپنے بچوں کے لئے کسی بھی مرحلے میں وہ کافی اہم رول ادا کرسکتےہیں انہوں نے اپنی مثال پیش کرتے ہوئے بتایا کہ اُسے    گوا میں میڈیکل سیٹ حاصل کرنے  کے دوران پڑھائی کے نوٹس سے کافی  مدد ملی تھی ۔ انہوں نے والدین اور سرپرستوں سے کہاکہ اپنے بچوں کے مستقبل کو بہتر اور روشن بنانے کےلئے بہتر حکمت عملی اپنائیں اور صبر سے کام لیں۔ وہیں انہوں نے سیرت ﷺ کے حوالے سے پروگرام میں شریک   خواتین سے  اپنے   پڑوسیوں کی خبر لینے کے ساتھ ساتھ غریبوں ، بیواؤں  اور  یتیموں پر نظر کرم کرنے کی اپیل کی۔انہوں نے کہا کہ  اکیڈمک طورپر اول  نمبر آنا ہی اہم نہیں ہوتا بلکہ اچھا انسان بننا  اہم ہوتا ہے ہمیں ا س طرف زیادہ  توجہ دینے کی ضرورت ہے۔

جلسہ کا آغاز ثانیہ بنت عبدالرحیم کے کی تلاوت قرآن سے ہوا،قرأت کردہ آیات کا  زینب فردوس بنت ابراہیم خلیل نے اردو میں اور لوبہ بنت سید ذکاء اللہ نے انگریزی میں ترجمہ پیش کیا۔ سائیہ عنبرین  نے ہدیہ نعت پیش کی تو راحت بنت عبد الطیف حافظکا اور ان کے ساتھیوں نے  ترانہ انجمن پیش کیا۔ تبسم شیخ نے مہمانوں کا تعارف پیش کرتے ہوئے استقبال کیا۔ انجمن پی یوکالج فار ویمنس بھٹکل کی  انگریزی کی پروفیسر طالعہ معلم نے انجمن کی تاریخ پیش کی۔ فاطمہ زلفہ نے شکریہ اداکیا ،مس الماس کی دعا پر  جلسہ کا اختتام ہوا۔

جلسہ میں انجمن گرلس ہائی اسکول بھٹکل کی پہلی ٹاپر محترمہ نازنین بانو سید حسن سقاف، پہلی بتول انجمن محترمہ  رضیہ شاہین محمد منصور کوٹیشور اور پہلی دخترِ انجمن انیسہ شیخ سمیت 1971کی پہلی بیچ کی  الومنی طالبات کی تہنیت کی گئی ۔ اسی طرح انجمن گرلس ہائی  اسکول بستی روڈ اور نوائط کالونی کی تاریخ میں ایس ایس ایل سی امتحانات میں سب سے زیادہ نمبرات حاصل کرنےو الی محترمہ میمونہ ایفا محمد مسعود علی اکبرا اور صابرہ سوئیبہ محمد سلیم تمبوری کی بھی تہنیت کی گئی ۔

جلسہ میں انجمن صدسالہ جشن کمیٹی کی کنونیر محترمہ سیمہ نذیر  قاسمجی ، صدرمدرسہ عطیہ عبدالرحمن اور صبا دامدا سمیت اساتذہ وغیرہ موجود تھے۔  پروگرام کے بعد انجمن الومنی کی قدیم طالبات کے لئے کئی ثقافتی ،کوئز ، اسپورٹس سمیت دیگر مقابلہ جات کا اہتمام کیا گیا ۔ مقابلہ جات میں اول، دوم اور سوم آنے والوں کو   انعامات سے نوازاگیا۔

ایک نظر اس پر بھی

گلف کمیٹی شمشی کے زیراہتمام دبئی میں گیٹ ٹو گیدر کا انتظام

ہوناور کے شراوتی ندی کنارے بسا ایک خوبصورت چھوٹا سا گاؤں  شمشی سے روزگار کے لئے یونائیٹیڈ  عرب ایمریٹس(یو اے ای )  آکر مقیم   ممبران کے لئے’ گلف کمیٹی شمشی‘ کے زیر اہتمام  دبئی کے الراشیدیہ پارک میں 13دسمبر 2019بروز جمعہ کو گیٹ ٹو گید ر کا انتظام کیاگیا تھا۔

بھٹکل انجمن حامئی مسلمین کی سبکدوش انتظامیہ سے نئی انتظامیہ کے لئے 10ارکان منتخب

انجمن حامئی مسلمین بھٹکل کی سبکدوش ہونے والی مجلس انتظامیہ سے نئی مجلس انتظامیہ 2020-2024تک کے لئے 10اراکین کا انتخاب 14دسمبر 2019بروز سنیچر کو عمل میں آیا ۔ انجمن کے ناظم انتخابات محمد اسحق شاہ بندری کی طرف سے جاری کردہ پریس ریلیز کے مطابق کل 95.5فی صد پولنگ ریکارڈ کی گئی ۔ سبکدوش ...

بھٹکل جماعت المسلمین کے سالانہ جلسہ کا انعقاد : دین، تہذیب، ثقافت کی بقا کے لئے اجتماعیت ضروری

انسانی جسم کے سارے اعضاء آپس میں جڑے ہوئے ہوتے ہیں تو انسان کی صحت مضبوط ہوتی ہے۔ اگر اس کے اعضاء کو ایک ایک  کرکے کاٹ دیا جائے تو وہ کمزور،لاچار ہوجاتاہے ۔ امت مسلمہ کی مثال بھی ایسی ہی ہےکہ وہ آپس میں متحد رہے یہی اس کی طاقت بھی ہے۔  جامع مسجد کے امام و خطیب مولانا عبدالعلیم ...

بھٹکل کے نیو شمس اسکول میں 15دسمبر بروز اتوار کو انٹر اسکول سائنس فئیر کا اہتمام

تربیت ایجوکیشن سوسائٹی بھٹکل اور اے جے اکیڈمی سائنس اینڈ ریسرچ رائچور کے اشتراک سے 15دسمبر بروز اتوار کو نیو شمس اسکول میں ’بھٹکل انٹر اسکول سائنس فئیر ‘ کا اہتمام کئے جانے کی ادارے کی پرنسپال فہمیدہ ملا اور فئیر کے  کوآرڈنیٹرمحمد رضامانوی نے پریس ریلیز کے ذریعے جانکاری دی ...

بھٹکل تعلقہ کے موڈ شرالی جنگل علاقے کے  مرغ جوے اڈے پر پولس کا چھاپہ :18گرفتار، مرغے اور نقد رقم ضبط

تعلقہ کے موڈشرالی تلگیری کے جنگلات میں کھلی جگہ پر غیر قانونی طورپر کھیلے جارہے مرغی جوے کے اڈے پر چھاپہ مارکر پولس نے 18ملزمین کو اپنی تحویل میں لیتے ہوئے نقد ضبط کرلینے کا واقعہ جمعہ کی شام پیش آیاہے۔

میڈیا کی پیش کردہ تصویر سے کوسوں دورہے میرا شہر بھٹکل :  سرکاری اسپتال کی میڈیکل آفیسر ڈاکٹر سویتا کا تجربہ

برائیوں میں ڈوبی دنیا میں آج بھی  انسانیت ہے،ایسی ہی ایک زندہ مثال میرےاپنے امن وامان کے لئے مشہور  شہر بھٹکل میں خود میرے ساتھ پیش آئی ہے ،جب کہ میرے اس شہر کے متعلق میڈیا ہزار باتیں لکھتا ہےاور جو دکھاتا ہے وہ اس سے کوسو ں دور ہے۔ بھٹکل سرکاری اسپتال کی میڈیکل آفیسر ڈاکٹر ...

بھٹکل نیشنل ہائی وے پر تیزرفتار بس، لاری سے ٹکراگئی؛ 25 سے زائد زخمی

یہاں وینکٹاپور نیشنل ہائی وے 66 پر ایک تیز رفتار بس، پارک کی ہوئی لاری سے  ٹکراگئی جس کے نتیجے میں بس پر سوار 25 سے زائد مسافر زخمی ہوگئے، جن میں سے دو کو کنداپور اور باقی کو بھٹکل سرکاری اسپتال میں داخل کیا گیا ہے۔

  وزیر داخلہ امت شاہ کی پراسرار ’تسلی‘ کہا؛   ہندوستانی مسلمان، ہندوستانی تھے اور آئندہ بھی رہیں گے

وزیر داخلہ امت شاہ نے بدھ کو متنازعہ شہریت ترمیمی بل کو راجیہ سبھا میں بحث کے لیے پیش کرتے ہوئے کہا کہ بھارت کے مسلمان ہندوستانی شہری تھے، ہیں اورآئندہ بھی رہیں گے۔پاکستان، بنگلہ دیش اور افغانستان کے غیر مسلم تارکین وطن کو بھارتی شہریت فراہم کرنے کی فراہمی والے اس بل کو پیش ...