بینگلورو 13 / دسمبر (ایس او نیوز) ساوتھ ویسٹرن ریلوے کے پرنسپال چیف آپریشنس منیجر کی طرف سے جاری اعلامیہ کے مطابق 14 دسمبر سے 22 دسمبر  تک ہاسن جنکشن پر ری موڈلنگ کا کام ہونے والا ہے جس کی وجہ سے بینگلورو اور منگلورو روٹ کے علاوہ دیگر روٹس پر چلنے والی کئی ٹرینوں کی سروس منسوخ کی گئی ہے۔ 

بتایا گیا ہے کہ ہاسن یارڈ میں ری موڈلنگ کے ذریعے انٹر لاکنگ اپ گریڈیشن کے بعد ساوتھ ویسٹرن ریلوے کو بینگلورو نیل منگلا، ارسیکیرے، میسورو اور منگلورو کی  چاروں سمتوں میں ٹرین چلانے کے لئے مزید آسانی ہوگی ۔ 
    ہاسن میں چل رہے کام کی وجہ سے جن ٹرینوں کو منسوخ کیا گیا ہے ان کی تفصیل یوں ہے ۔
    1 ۔  بینگلورو- کنّور - بینگلورو پنچ گنگا ایکسپریس  (رات کی ٹرین)         16 سے 20  دسمبر تک
    2 ۔ بینگلورو- کاروار - بینگلورو پنچ گنگا ایکسپریس  (رات کی ٹرین)       16 سے 20  دسمبر تک    
    3 ۔ یشونت پور- منگلورو جنکشن گومٹیشورا ایکسپریس (ہفتے میں تین مرتبہ)  14, 17, 19, 21 دسمبر
    4 ۔ یشونت پور - کاروار ایکسپریس (ہفتے میں تین مرتبہ)    13, 15, 20, 22 دسمبر
    5 ۔ یشونت پور - منگلورو جنکشن ہفتہ واری ایکسپریس      16 دسمبر
    6 ۔ منگلورو جنکن - یشونت پور ہفتہ واری ایکسپریس         17 دسمبر

ساوتھ ویسٹرن ریلوے کی طرف سے جاری کردہ بیان کے مطابق اس عرصے میں ساحلی کرناٹکا کو بینگلورو سے جوڑنے والی ایک ہی متبادل سہولت کے طور پر بینگلورو وشویشوریا ٹرمینل سے مرڈیشور تک چلنے والی  ٹرین نمبر 16585/16586 دستیاب رہے گی ۔ لیکن یہ ٹرین میسورو کے علاقے سے نہیں گزرے گی ۔