بیلتنگڈی،7؍ جنوری (ایس او نیوز) بیلتنگڈی تعلقہ کے ہیڈیا میں ایک دردناک حادثہ پیش آیا جس میں  بجلی کا کھمبا ٹوٹنے کی وجہ سے لٹکتی ہوئی تاروں میں پھنس کر ایک موٹر بائک سوار ہلاک ہوگیا ۔

مہلوک شخص کی شناخت کوئیور گاوں کے رہنے والے رگھو کے طور پر کی گئی ہے ۔ بتایا جاتا ہے کہ گھاس سے لدا ہوا پک اپ ٹکرانے کے بعد چار پانچ بجلی کے کھمبے ٹوٹ کر گر گئے ۔ ان کھمبوں کی تاریں یونہی سڑک پر لٹک رہی تھیں ۔ کل رات 11 بجے کے قریب رگھو اس راستے سے گزررہا تھا تو اس کی گردن ان تاروں میں پھنس گئی اور اچھل کر زمین پر گرتے ہی اس نے دم توڑ دیا ۔ 

مقامی پولیس نے کیس درج کر لیا ہے ۔ مزید تحقیقات جاری ہے۔