گوکرن 6 اکتوبر (ایس او نیوز) اُترکنڑا کا معروف سیاحتی مقام گوکرن کے اوم بیچ پر  بنگلور کا ایک شخص جاں بحق ہوگیا جس کی شناخت یارب عباس بیگ (47) کی حیثیت سے کی گئی ہے۔

پیر صبح اپنے نو دوستوں کے ساتھ یارب  سیاحت کے لئے بنگلور پہنچا تھا، بتایا گیا ہے کہ آٹھ لوگ سمندر میں تیرنے کے لئے اُتر گئے، لیکن یارب سمندر میں نہیں اُترا تھا اور ساحل کنارے پر ہی کھڑا ہوکر اپنے دوستوں کو تیرتا ہوا دیکھ رہا تھا، اچانک اس  پر مرگی کا حملہ ہوا اور وہ گرپڑا اور کچھ ہی دیر بعد وہ انتقال کرگیا۔ سمجھا جارہا ہے کہ دل کا دورہ پڑنے سے اس کی موت واقع ہوگئی۔

گوکرن پولس تھانہ میں معاملہ درج کیا گیا ہے۔