ಗೋಕರ್ಣದ ಓಂಬೀಚಲ್ಲಿ ಬೆಂಗಳೂರು ಮೂಲದ ಪ್ರವಾಸಿ ಸಾವು.
ಗೋಕರ್ಣ : ಇಲ್ಲಿನ ಓಂ ಬೀಚ್ ಪ್ರವಾಸಕ್ಕೆ ಬಂದಿದ್ದ ವ್ಯಕ್ತಿಯೋರ್ವ ಸಾವನ್ನಪ್ಪಿದ ಘಟನೆ ನಡೆದಿದೆ.
ಬೆಂಗಳೂರಿನ ಹೊಸಕೋಟೆ ನಿವಾಸಿ ಯಾರಬ್ ಅಬಾಸ್ ಬೇಗ್ (47) ಮೃತ ದುರ್ದೈವಿ. ಸೋಮವಾರ ಬೆಳಿಗ್ಗೆ ತನ್ನ ಒಂಬತ್ತು ಜನ ಸ್ನೇಹಿತರೊಂದಿಗೆ ಯಾರಬ್ ಗೋಕರ್ಣಕ್ಕೆ ಬಂದಿದ್ದರು. ಇಲ್ಲಿನ ಓಂ ಬೀಚ್ ನೋಡಲು ಎಲ್ಲರೂ ತೆರಳಿದ್ದರು. ಯಾರಬ್ ಒಬ್ಬನ ಬಿಟ್ಟು ಉಳಿದವರೆಲ್ಲ ನೀರಿಗಿಳಿದು ಸ್ನಾನ ಮಾಡುತ್ತಿದ್ದರು. ಯಾರಬ್ ಮಾತ್ರ ಕಡಲತೀರದಲ್ಲಿಯೇ ನಿಂತಿದ್ದ ವೇಳೆ ಸಾವನ್ನಪ್ಪಿದ್ದಾರೆ. ಮೂರ್ಛೆ ಬಂದು ಇಲ್ಲವೇ ಹೃದಯಾಘಾತದಿಂದ ಸಾವನ್ನಪ್ಪಿರಬಹುದೆಂದು ಪೊಲೀಸರು ಶಂಕಿಸಿದ್ದಾರೆ.
ಗೋಕರ್ಣ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
