بنگلورو سمیت سرسی، بیندور اور ریاست کے مختلف مقامات پر پٹرول ، ڈیزل سمیت ضروری اشیاء کی قیمتوں میں اضافے کے خلاف کانگریس کا تانگہ ، بیل گاڑی جوتتے ہوئے احتجاج

Source: S.O. News Service | Published on 25th September 2021, 9:02 PM | ساحلی خبریں | ریاستی خبریں |

بھٹکل : 25؍ستمبر(ایس اؤ نیوز) پٹرول، ڈیزل ، پکوان گیس ، پکوان تیل سمیت کئی ایک ضروری اشیاء کی قیمتوں میں مسلسل اضافے کے خلاف کانگریس لیڈر اور حزب مخالف لیڈر سدرامیا اور کے پی سی سی صدر ڈی کے شیو کمار نے کانگریس کے ارکان اسمبلی کےساتھ بنگلورو میں تانگہ سواری کرتےہوئے ودھان سودھا پہنچتے ہوئے اپنے احتجاج کو درج کرایا تو ریاست کے دیگر مقامات پر بھی کانگریس لیڈران نے تانگہ اور بیل گاڑی کا استعمال کرتےہوئے ریاستی اور مرکزی حکومتوں کےخلاف احتجاج کیا۔

ڈی کے شیوکمار نے کہاکہ بی جے پی کی حکومتیں عوام کو پک پاکٹ کررہی ہیں، ان حکومتوں کی چمڑی موٹی ہوگئی ہے، انہیں عوامی دکھ، تکالیفاور پریشانیوں  کا احساس ہی نہیں ہے۔ انہوں نے کہا کہ یہ صرف کانگریس پارٹی کااحتجاج نہیں بلکہ عوامی احتجاج ہے۔ حزب مخالف لیڈر سدرامیا نے کہاکہ جب سےمودی وزیر اعظم بنے ہیں تب سےپٹرول، ڈیزل اور پکوان گیس سمیت ضروری اشیاء کی قیمتیں آسمان کو چھو رہی ہیں، ان کی من مانی سے متوسط اور غریب طبقات کی زندگی اجیرن ہوگئی ہے۔

سرسی :ضروری اشیاء کی قیمتوں میں بڑھوتری، پرائیویٹزم اور بے روزگاری جیسے مسائل کے خلاف ضلع کانگریس نے بیل گاڑی جوتتے ہوئے احتجاج کیا اور سرسی کے اسسٹنٹ کمشنر کے توسط سے ریاستی حکومت کو میمورنڈم روانہ کیا۔ پرانے بس اسٹنڈ سے نکلے یوتھ کانگریس ورکرس  سے قیمتوں میں اضافہ ، بے روزگاری اور خانگیانہ  کی ذمہ دار مرکزی و ریاستی حکومتوں کے خلاف نعرے بازی کی۔ بیل گاڑی کے ذریعے شہر کے اہم راستوں سے گزرتے ہوئے اے سی دفتر پہنچے ۔ احتجاج میں سیکڑوں کانگریس کارکنان شریک تھے۔ قومی یوتھ کانگریس کے سکریٹری اور کرناٹک کے نگراں کار سربھی ترویدی نے احتجاجیوں سے خطاب کرتے ہوئے الزام لگایا کہ بی جے پی وعدہ خلاف پارٹی ہے۔ان کی حکومتوں سے جمہوریت کا قتل ہورہا ہے۔ اسی طرح ضلع کانگریس صدر بھیمنانائک نے کانگریس حکومتوں کے کام کو گنواتے ہوئے  بی جے پی حکومتوں کی عوام مخالف پالیسی پر سخت برہمی کا اظہار کیا۔ریاستی یوتھ کانگریس جنرل سکریٹری عارف اور دیپکا ریڈی نے بھی اپنے خیالات کااظہارکیا۔  

بیندور:بیندور یوتھ کانگریس کی جانب سے تحصیلدار دفتر کے روبرو چائے تیار کرتےہوئے ضروری اشیاء کی قیمتوں میں ہورہے اضافے کے خلاف انوکھا احتجاج کیاگیا۔ سابق رکن اسمبلی گوپال پجاری نے ریاستی اور مرکزی حکومتوں کی عوام مخالف پالیسیوں کی سخت مذمت کی۔ ضلع یوتھ کانگریس صدر دیپک کوٹیان، نائب صدر ایس راجو پجاری ، بلاک کانگریس صدر ایس مدن کمار سمیت کئی کارکنان احتجاج میں شریک تھے۔

ایک نظر اس پر بھی

بھٹکل کے اعلیٰ افسران کے خلاف ہتک ذات مقدمہ درج ہونے کا معاملہ : سرکاری ملازمین سنگھا کی کڑی مذمت

18اکتوبر کو بھٹکل میونسپالٹی کے دکانوں کی نیلامی میں شریک ہوئے بھٹکل اسسٹنٹ کمشنر، تحصیلدار اور چیف آفیسر کے خلاف بغیر کسی وجہ کے ، غیرقانونی طورپر ہتک ذات کا معاملہ درج کئےجانے کی کرناٹکا ملازمین سنگھ بھٹکل شاخ نے مذمت کی ہے۔

کاروار: طلبا اور روزگار وں کےلئے تعلقہ ، ضلعی ، ریاستی اور قومی سطح کا تقریری مقابلہ : 18سے 29سال کی عمر والے توجہ دیں؛ قومی سطح پر اول آنے پر دولاکھ روپیہ انعام

یوتھ اینڈ اسپورٹس وزارت کے تعاون سے نہرو یوا کیندر کی جانب سے تعلقہ ، ضلع، ریاستی اور قومی سطح پر ہندی اور انگریزی زبانوں میں  تقریری مقابلوں کا انعقاد کئے جانے نہرو یوا کیندر کے ذمہ داروں نے پریس ریلیز کے ذریعے جانکاری دی ہے۔

بھٹکل جماعت اسلامی ہند اور سدبھاؤنا منچ بھٹکل کے اشتراک سے’حضرت محمد  ﷺ مثالی رہنما‘ کے عنوان پر پروگرام کا انعقاد

آخری نبی حضرت محمد ﷺ کی تعلیمات کو ریاستی عوام کے سامنے پیش کرنےکی غرض وغایت لے کر جماعت اسلامی ہند کرناٹکا کی طرف سے 17سے 26اکتوبر تک منائی جارہی ’سیرتؐ مہم ‘ کی مناسبت سے بھٹکل کے دعوت سنٹر میں 26اکتوبر بروزمنگل کو  منعقدہ سیرت پروگرام میں مقررین نے اپنے خیالات کا اظہار ...

بھٹکل ہیبلے گرام پنچایت انتظامیہ پر رشوت خوری کا الزام : خصوصی میٹنگ میں الزام ثابت کرنے کا مطالبہ

تعلقہ کے ہیبلے گرام پنچایت کے چند ممبران نے گرام پنچایت انتظامیہ  پر رشوت خوری کا الزام عائد کئےجانےکو لےکر ہیبلے پنچایت ہال میں پنچایت ممبران کی  خصوصی میٹنگ منعقد ہوئی ۔

گلبرگہ: پولیس میں بھرتی کے امتحانات میں بد عنوانی و نقل   نویسی کرنے کے الزام میں 9امیدوار گرفتار

 محکمہ پولیس میں بھرتی سے متعلق منعقد کئے گئے امتحانات میں مائیکرو چپ اور بلیو ٹوتھ آلات کا استعمال کرکے بدعنوانی و نقل کرنے والے 9امیدواروں کو پولیس نے گرفتار کرلیا ہے۔یہ افراد اتوار کے دن محکمہ پولیس میں سیول پولیس کانسٹیبل کی جائیدادوں پر بھرتی کے لئے منعقد کئے جانے والے ...

گلبرگہ میں جہیز ہراسانی سے متاثرہ خاتون کی آگ لگا کر دو بچوں کے ساتھ خودکشی

ایک عورت نے پیر کے دن  پنچ شیل نگر، جیورگی روڈ گلبرگہ میں اپنے مکان میں پنے آپ کو اور اپنے بچوں کو آگ لگادی جس کے نتیجہ میں یہ عورت اوراس کی ایک لڑکی جل کر ہلاک ہوگئے جب کہ اس عورت کا تین سالہ بچہ شدید جھلس گیا  تھا اور اسے ہسپتال میں شریک کروادیا گیا تھا  لیکن آج وہ بھی اپنے ...

بھٹکل : کرناٹک میں پیر سے پہلی تا پانچویں جماعت کے کلاسوں کا ہوا آغاز؛ ریاست میں 90 فیصد اور اُترکنڑا میں 93 فیصد طلبہ کی حاضری؛ زیادہ تر والدین میں خوشی کی لہر

ریاست کرناٹک میں کووڈ لاک ڈاون کی وجہ سے  20  ماہ سے بند  پرائمری اسکولس پیر سے دوبارہ کھل گئے جس کے ساتھ ہی اکثر والدین میں خوشی کی لہر دوڑ گئی ہے۔ ریاست میں    پہلے دن  90 فیصد طلبہ حاضر رہے،اسی طرح ضلع اُترکنڑا میں  طلبہ کی حاضری 93.26 فیصددرج کی گئی۔ 

منگلورو پولس فائرنگ؛ ریاستی حکومت نے پولس کو دی کلین چٹ، کہا؛ کسی بھی پولس اہلکار سے غلطی نہیں ہوئی

ریاست کی برسر اقتدار بی جے پی حکومت نے ہائی کورٹ کو بتایا ہے کہ منگلورو میں شہریت قانون (سی اے اے ،این آر سی) مخالف ترمیمی قانون کے احتجاج کو روکنے کےلئےپولس اہلکاروں کی طرف سے کی گئی فائرنگ میں پولس   سے  کوئی غلطی نہیں ہوئی ہے۔