افغانستان: تین زوردار دھماکوں سے دہل گیا جلال آباد، 3 ہلاک، درجنوں زخمی

Source: S.O. News Service | Published on 19th September 2021, 11:07 AM | عالمی خبریں | ان خبروں کو پڑھنا مت بھولئے |

کابل،19؍ستمبر (ایس او نیوز؍ایجنسی) افغانستان کے جلال آباد میں تین زوردار بم دھماکوں کی خبریں موصول ہو رہی ہیں۔ مقامی میڈیا کے مطابق پی ڈی 13 علاقے میں ایک امپروائزڈ ایکسپلوسیو ڈیوائس (آئی ای ڈی) بلاسٹ ہوا ہے جس کی زد میں آنے سے کم از کم 19 لوگ زخمی ہوئے ہیں۔ کچھ خبروں میں زخمیوں کی تعداد زیادہ بھی بتائی جا رہی ہے۔ ایک دھماکہ پی ڈی 6 علاقے میں اور تیسرا دھماکہ کسی الگ مقام پر ہونے کی اطلاعات ملی ہیں۔ تازہ ترین اطلاعات کے مطابق ان دھماکوں میں 3 افراد ہلاک بھی ہوئے ہیں اور کچھ کی حالت سنگین بنی ہوئی ہے۔ حالانکہ خبر رساں ادارہ اے ایف پی نے 2 افراد کے ہلاک ہونے کی خبر دی ہے۔

افغانستان کے نیوز چینل ’ٹولو نیوز‘ نے ننگرہار خطہ کے مقامی افسران کے حوالے سے بتایا ہے کہ جلال آباد کے پی ڈی 6 میں سڑک کنارے لگائے گئے آئی ای ڈی کی زد میں طالبان کی گاڑیاں آ گئیں۔ زخمیوں کو ننگرہار کے قریبی اسپتال میں داخل کرایا گیا ہے اور اسپتال کے افسران نے بتایا کہ تقریباً دو درجن زخمی افراد کو اسپتال میں داخل کرایا گیا ہے جن میں سے بیشتر عام شہری ہیں۔

اس درمیان پنٹاگن نے گزشتہ مہینے افغانستان میں کئی شہریوں کی جان لینے والے ڈرون حملے کے معاملے میں اپنی غلطی مان لی ہے۔ اس نے بتایا کہ ایک تجزیہ سے پتہ چلا ہے کہ حملے میں صرف شہری مارے گئے تھے، نہ کہ اسلامک اسٹیٹ کے دہشت گرد، جیسا کہ پہلے مانا گیا تھا۔

امریکی سنٹرل کمانڈ کے سربراہ مرین جنرل فرینک میک کنزی نے پنٹاگن کی ایک پریس کانفرنس میں کہا کہ یہ حملہ ایک غلطی تھی۔ 29 اگست کو ہوئے اس حملے کو پنٹاگن کے افسر کئی دن تک صحیح ٹھہراتے رہے تھے۔ اس حملے میں سات بچوں سمیت 10 شہریوں کے مارے جانے کے باوجود ان کی جانب سے اسے صحیح طریقے سے انجام دینے کا دعویٰ کیا جا رہا تھا۔

ایک نظر اس پر بھی

اقوام متحدہ جنرل اسمبلی سے وزیراعظم مودی کا خطاب، دہشت گردی پوری انسانیت کیلئے خطرہ

وزیر اعظم مودی نے اقوام متحدہ جنرل اسمبلی سے خطاب کرتے ہوئے پاکستان اور چین کا نام لئے بغیر جم کر نشانہ سادھا۔ وزیر اعظم نے پاکستان کا نام لئے بغیر کہا کہ جو ملک دہشت گردی کو سیاسی آلے کے طور پر استعمال کررہے ہیں، انہیں یہ سمجھنا ہوگا کہ دہشت گردی ان کیلئے بھی اتنا ہی بڑا خطرہ ...

صنعتی ممالک پر ماحولیاتی تحفظ کی زیادہ ذمہ داری عائد ہوتی ہے: گوٹیرش

اقوام متحدہ کے سیکرٹری جنرل انتونیو گوٹیرش نے ایک مرتبہ پھر عالمی برادری پر زور دیا ہے کہ وہ ماحول کو بچانے کے لیے اپنا کردار ادا کریں۔ نیو یارک میں سربراہان حکومت اور مملکت کے ساتھ ملاقات کے دوران گوٹیرش نے کہا کہ کرہ ارض کے خلاف جنگ‘ ختم ہونی چاہیے اور ماحولیاتی تبدیلیوں کے ...

امریکہ نومبر سے غیر ملکی مسافروں کے لیے پابندیاں نرم کر رہا ہے

امریکہ نے پیر کے روز کہا ہے کہ نومبر کے اوائل سے ملک میں آنے والے غیر ملکی مسافروں کے لیے وہ اپنی کرونا وائرس کی پابندیوں میں نرمی کر دے گا۔18 ماہ قبل کرونا وائرس کی وبا کے آغاز کے بعد امریکہ نے بیرونی ملکوں سے آنے والے مسافروں پر بڑی حد تک پابندی لگا دی تھی۔

شاہ رُخ خان کے بیٹے آرین خان کی حمایت میں شیوسینالیڈرپہنچے سپریم کورٹ

بالی ووڈ کے سپر اسٹار شاہ رخ خان کے بیٹے سے وابستہ کروز ڈگرس پارٹی کا معاملہ سپریم کورٹ تک پہنچ گیا ہے۔ شیو سینا کے لیڈر کشور تیواری نے سپریم کورٹ میں درخواست پیش کرتے ہوئے آرین خان اور دیگر ملزمان کے بنیادی حقوق کا حوالہ پیش کیا ہے۔

کونکن ریلوے سروس کے مکمل ہوئے31 سال ۔ سورتکل - انکولہ کے درمیان کیا رو - رو سروس کا آغاز 

کونکن ریلوے سروس کے 31 سال مکمل ہونے پر ورچیول جشن منایا گیا اور اس موقع پر سورتکل - انکولہ کے درمیان مال بردار ٹرکس / کنٹینرس  لے جانے والے ٹرکس کی نقل و حمل کے لئے رول آن - رول آف (رو - رو) سروس کا شروع کرنے کا اعلان کیا گیا ۔