انکولہ : ہندوشمشان بھومی اتی کرم معاملہ کو لے کرمکینوں نے کیا احتجاج، کہا؛ مکینوں کو نکالا گیاتو کرلیں گے خودکشی

Source: S.O. News Service | By Abu Aisha | Published on 24th October 2021, 11:53 PM | ساحلی خبریں | ان خبروں کو پڑھنا مت بھولئے |

انکولہ:24؍ اکتوبر(ایس اؤ نیوز)انکولہ میونسپالٹی حدود کی  شمشان زمین پر اتی کرم معاملےمیں نوٹس جاری کئے جانےکی سخت مذمت کرتےہوئے کوٹے واڑا کے مکینوں نے سنیچر کی شام اچانک احتجاجی دھرنا پر بیٹھ گئے اور اتی کرم کے نام پر  گھروں کو ڈھانےکی کوشش کرنے پر خود کشی کرلینےکا انتباہ  دے دیا۔

احتجاجیوں  نے اپنے ساتھ مٹی کا تیل اور رسیاں لے کرآئے تھے۔ انہوں نے کہاکہ حکومت ہمارے گھروں کو ڈھانےکا منصوبہ بنا رہی ہے، ہم لوگ مزدوری کرکے اپنی زندگی گزارتے ہیں ، اگر حکومت ہمارے گھروں کوتوڑنےکی کوشش کرتی ہے تو ہم لوگوں کےلئے خودکشی ہی واحد حل ہوگا۔

احتجاجیوں میں شریک مقامی مکین ممتا شٹی نے اپنا دکھڑا سناتےہوئے کہاکہ ہم یہاں پچھلے 50برسوں سے رہائش پذیر ہیں۔ حکومت کی جانب سے زمین کا پٹہ، آرٹی سی ، گھر ٹیکس کی رسید، بجلی کنکشن سمیت کئی دستاویزات ہمارے پاس ہیں اور کئی سہولیات خود حکومت نےمہیا کی ہیں۔  ہم حکومت کے سبھی قسم کے ٹیکس کی ادائیگی کرتےہیں۔ احتجاجیوں نے شمشان سرکشا بھومی کےدباؤ سےمکینوں کو نکالنےکی کوشش کئےجانےپر سخت برہمی کا اظہار کیا۔ اسی طرح سچن نائک،زبیر محمد اقبال ، انور ماسٹر وغیرہ نے سوال کیا کہ اگر غریبوں کو اس طرح ایک ساتھ نکال باہرکیاجاتا ہے تو ہم لوگ  کہاں جائیں گے، کووڈ کے بعد بھی ہماری زندگی مشکلات میں گھری ہوئی ہے، انہوں نے کہا کہ ہم اپنا گھر کسی حال میں بھی  نہیں چھوڑیں گے اگر زبردستی کی گئی تو اپنی جان دیں گے مگر اپنے گھروں کو نکالنے نہیں دیں گے۔ پی ایس آئی پریمن گوڈا پاٹل  اور پی ایس آئی پروین کمار  نے اس موقع پر اپنے   دیگر پولس اہلکاروں کے ساتھ  جائے وقوع  پر پہنچ کر احتجاجیوں سے بات چیت کی اور اُنہیں سمجھانے کی کوشش کی کہ وہ  قانون  کے مطابق اپنا مسئلہ حل کرلیں اور اس طرح احتجاج نہ کریں۔

بتایا گیا ہے کہ  ہندو شمشان بھومی سرکشا سمیتی کی طرف سے سریش ورنیکرنے تحصیلدار اور میونسپالٹی کے چیف آفیسر کو  درخواست دی  تھی کہ وہ   ہندو  شمشان زمین پر اتی کرم کولے کر تفصیلات بتائیں۔ اس سلسلےمیں تحصیلدار نے  ڈپٹی کمشنر کی ہدایات پر عمل کرتے ہوئے  اتی کرم داروں کو نکال باہرکرکے ہندو شمشان بھومی کے اطراف کمپاؤنڈ تعمیر کرنے میونسپل چیف آفیسر کو تین مرتبہ خطوط لکھ کر ہدایت دی تھی۔

تحصیلدار کے حکم پر عمل کرتےہوئے چیف آفیسر  شرتی گائیکواڑ نے ہندو شمشان بھومی کے قریب 40سے زائد خاندانوں کو اتی کرم کی ہوئی  زمین پر رہائش پذیر ہونے کی بات کہتے ہوئے مکینوں کو وجہ بتاو نوٹس جاری کی تھی  اور مکینوں سے  پوچھا تھا کہ   آخر اُنہیں  کیوں باہر   نہیں کیاجانا چاہئے ، نوٹوس میں کہا گیا تھا کہ اگر مکینوں کی طرف سے مناسب جواب موصول نہیں ہوا تو  اُن کے خلاف  قانونی کارروائی  کی جائے گی۔

ایک نظر اس پر بھی

بھٹکل : بی جے پی کو پنچایت نظام پر اعتماد نہیں ہے:ودھان پریشد انتخابات کے کانگریس تشہیری پروگرام میں  سابق وزیر دیش پانڈے کا ںیان

ہرپانچ سال کےبعد منعقد ہونےو الے تعلقہ پنچایت اور ضلع پنچایت انتخابات کو بی جے پی کی ریاستی حکومت نے بغیر کسی وجوہ کے معطل کیاجانا بی جے پی کو پنچایت اور جمہوری نظام پر اعتماد نہیں ہونےکا ظاہر کرتاہے۔ سابق وزیر کانگریس لیڈر آر وی دیش پانڈےنےان خیالات کااظہار کیا۔

ہبلی۔ انکولہ ریلوے لائن منصوبہ : عدالتی فیصلےکا ہوراٹا سمیتی نے استقبال کیا

ہبلی۔ انکولہ ریلوے لائن منصوبے کو جاری کئےجانے سےجنگلی جانوروں پرہونےو الے اثرات کا مطالعہ کرنے ہائی کورٹ نے قومی وائلڈ لائف بورڈ کو حکم دئیے جانے کا ہبلی۔ انکولہ ریلوے ہوراٹ سمیتی نے استقبال کیا ہے۔

اترکنڑا میں اچانک ہونے والی تیز رفتار بارش سے فصل ، گھروں کو نقصان : یلاپور تعلقہ میں ایک گھر زمین بوس

اترکنڑا ضلع بھر میں منگل اور بدھ کی رات اچانک طوفانی ہواؤں  تیز رفتار سے بارش بسنے سے جہاں عوام کو کئی پریشانیاں ہوئیں تو یلاپور تعلقہ کے امچگی میں نانو منجا دیواڑیگا کی ملکیت والا گھر مکمل زمین بوس ہوگیا ہے۔

کنداپور : زیورات کی نمائش گاہ سے 3 لوگوں نے  چرائیں سونے کی چوڑیاں

کنداپور تعلقہ کے کوٹیشور میں واقع یو وی اے میریڈین ہال میں 27 تا 29  نومبر کو جو زیورات کی نمائش لگی تھی اس میں گاہک کی شکل میں آنے والے تین لوگوں نے تقریباً 3 لاکھ روپے مالیت کی سونے کی چوڑیوں پر ہاتھ صاف کر دیا ۔

منگلورو : بغیر لائسنس کی بندوقیں رکھنے والا ایک شخص ایئرپورٹ پر گرفتار

منگلورو ایئر پورٹ کی حفاظتی ڈیوٹی پر تعینات سنٹرل انڈیا سیکیوریٹی فورس (سی آئی ایس ایف) کے عملہ نے برہماور کے رہنے والے رینالڈ ڈیسوزا کو بغیر لائسنس کی بندوقیں اپنی کار میں رکھنے کے الزام میں گرفتار کر لیا ۔

ہندوستان میں کورونا کے 9,765 نئے کیسز، 477 اموات

گزشتہ 24 گھنٹوں کے دوران ملک بھر میں کورونا وائرس کے کل 9,765 نئے کیسز رپورٹ ہوئے ہیں۔ نیز ملک میں کووڈ متاثرین کی کل تعداد اب تک بڑھ کر 3 کروڑ 46 لاکھ 06 ہزار 541 ہو گئی ہے۔ گزشتہ 24 گھنٹوں میں ملک بھر میں کووڈ کی وجہ سے کل 477 لوگوں کی موت ہوئی ہے۔ ملک میں کووڈ سے اب تک کل 4 لاکھ 69 ہزار 724 ...

بزدل مودی حکومت کسی کے ساتھ انصاف نہیں کر سکتی: راہل گاندھی

کانگریس کے سابق صدر راہل گاندھی نے ایوان بالا راجیہ سبھا کے 12 ارکان کی معطلی کے خلاف جمعرات کو پارلیمنٹ کے کیمپس میں مسلسل تیسرے دن بھی دھرنا دیا اور کہا کہ مودی حکومت بزدل ہے۔ اس لیے وہ کسی کے ساتھ انصاف نہیں کر سکتی۔

گجرات کے ساحل پر تیز ہوا اور طوفانی لہریں، کشتیاں الٹ گئیں، 10 افراد لاپتہ

  گجرات کے سمندری ساحلی علاقہ کے ضلع گر سومناتھ کے نوا بندر کے قریب خراب موسم کے درمیان اچانک تیز ہوا اور طوفانی لہروں کی وجہ سے سمندر میں ایک درجن سے زیادہ کشتیاں الٹ گئیں، جن میں سوار 10 سے زیادہ افراد کے ڈوبنے کا اندیشہ ہے۔

بھیما-کوریگاؤں معاملہ: سماجی کارکن سدھا بھاردواج کو بامبے ہائی کورٹ نے دی ضمانت

بامبے ہائی کورٹ نے بدھ کے روز وکیل اور سماجی کارکن سدھا بھاردواج کو بڑی راحت دی۔ عدالت نے 2018 بھیما-کوریگاؤں اور ایلگر پریشد نسلی تشدد معاملے میں ملزم سدھا بھاردواج کو ضمانت دے دی ہے۔ عدالت نے ہدایت دی ہے کہ بھاردواج کو ضمانت کی شرطوں کو آخری شکل دینے کے لیے آئندہ بدھ کو ...