بھٹکل نیشنل ہائی وے پر تیزرفتار بس، لاری سے ٹکراگئی؛ 25 سے زائد زخمی

Source: S.O. News Service | By I.G. Bhatkali | Published on 12th December 2019, 4:34 AM | ساحلی خبریں | ان خبروں کو پڑھنا مت بھولئے |

بھٹکل 12/ڈسمبر (ایس او نیوز) یہاں وینکٹاپور نیشنل ہائی وے 66 پر ایک تیز رفتار بس، پارک کی ہوئی لاری سے  ٹکراگئی جس کے نتیجے میں بس پر سوار 25 سے زائد مسافر زخمی ہوگئے، جن میں سے دو کو کنداپور اور باقی کو بھٹکل سرکاری اسپتال میں داخل کیا گیا ہے۔

حادثہ بدھ اور جمعرات کی درمیانی شب قریب 12 بجے بھٹکل تعلقہ کے وینکٹاپور بریج پر پیش آیا۔

بتایا گیا ہے کہ بیلگام جانے والی لاری کا پہیہ پنکچر ہوگیا تھا جس کی وجہ سے وہ لاری  وینکٹاپور بریج پر سڑک کے کنارے پارک کی گئی تھی، پہیہ تبدیل کرنے کے دوران حادثہ نہ ہو، اس کے لئے  اسی کمپنی کی  دوسری لاری اگلی لاری کو تحفظ فراہم کرنے کے لئے اُسی کے پیچھے کھڑی کی گئی تھی کہ کولّور مندر سے گوکرن جانے والی تمل ناڈو کی ایک تیز رفتار بس پیچھے سے دوسری والی لاری سے ٹکراگئی۔

ٹکر اتنی شدید تھی کہ بس کے اگلے حصے کے پرخچے آڑگئے ساتھ ساتھ ٹکر لگنے والی لاری کو بھی شدید نقصان پہنچا۔ جبکہ بس پر سوار 25 سے زائد مسافروں کو چوٹیں آئیں۔ مقامی لوگوں نے فوری طورپر امداد پیش کرتے ہوئے تمام زخمیوں کو مختلف ایمبولنس کی مدد سے بھٹکل سرکاری اسپتال منتقل کرایا۔ دو مسافروں کو سرپر چوٹ لگی ہے جس کی وجہ سے اُنہیں کنداپور اسپتال شفٹ کیا گیا ہے۔

بس پر تمل ناڈو سے تعلق رکھنے واالے ائیپّا کے بھگت سوار تھے جو ائیپّا کی پوچا کے لئے نکلے تھے۔

مقامی لوگوں نے بتایا کہ نیشنل ہائی وے کی توسیع کا کام جاری رہنے کو لے کریہاں سواریوں کے لئے دشواریاں پیش  آرہی ہیں، سواریوں کو معلوم نہیں ہورہاہے کہ اُنہیں کس سڑک سے جانا ہے، کونسی سڑک ون وے ہے اور کس سڑک پرسامنے سے بھی سواریاں آنے والی ہیں، مقامی لوگوں نے یہ بھی بتایا کہ  رات کا اندھیرا ہونے کی وجہ سے بس ڈرائیور کو معلوم نہیں ہوسکا کہ ہائی وے پر لاری سڑک کنارے پارک کی گئی ہے۔

بھٹکل مضافاتی پولس تھانہ میں معاملہ درج کیا گیا ہے اور پولس معاملے کی چھان بین کررہی ہے۔

ایک نظر اس پر بھی

منگلوروایئرپورٹ بم معاملہ: سابق کمارا سوامی اور بی جے پی کے درمیان جاری ہے زبانی بمباری  

ایک طرف منگلورو ایئر پورٹ پر دھماکہ خیز مادہ (آئی ای ڈی) رکھنے والا ملزم آدتیہ راؤنے بنگلورو میں پولیس کے سامنے خودسپردگی کی ہے اور اپنا جرم قبول کرلیا ہے۔ جس کے بعد اسے گرفتار کرکے پوچھ تاچھ کی جارہی ہے۔دوسری طرف اس معاملے پر سابق وزیراعلیٰ وزیراعلیٰ کمارا سوامی اور بی جے پی ...

کاروار کی رکن اسمبلی روپالی نائک دلت مخالف ہے: دلت سنگھرش سمیتی کا الزام

دلت افسران اپنی سرکاری  خدمات کو بہتر اندازمیں انجام دینے کے باوجود انہیں نشانہ بنا کر ان کے  بے وجہ تبادلے کرتےہوئے رکن اسمبلی روپالی نائک دلت مخالف پالیسی پر عمل پیرا ہونے کا دلت سنگھرش سمیتی کے ریاستی سنچالک دیپک کوڈالکر نے الزام لگایا۔

منگلورو تشدد پر پبلک ٹریبونل کی رپورٹ: احتجاج سے تعلق نہ رکھنے والے بے قصور افراد ہوئے پولیس کے ظلم کا شکار۔پورے معاملے کی عدالتی تحقیقات کا مطالبہ

منگلورو میں 19دسمبر کو شہریت قانون کے خلاف احتجاج کے دوران تشدد، پولیس لاٹھی چارج اور فائرنگ کے سلسلے میں جنتا عدالت (پبلک ٹریبونل) نے جو تحقیقات کی تھی اس کی رپورٹ جاری کردی گئی ہے اور بتایاگیا ہے کہ احتجاجی مظاہرے سے تعلق نہ رکھنے  والے بے قصور افراد پر پولیس نے ظلم و ستم ...

جوئیڈا: اسکول سے غیر حاضر رہنے والے بچے کی بے رحمانہ پٹائی۔ گاؤں والوں نے اسکول ٹیچر کو ہی سبق سکھایا

دیہاتوں کے سرکاری اسکولوں میں بچوں کی غیر حاضری ایک عام بات ہے۔ لیکن تعلقہ کے بیرمپالی لوئر پرائمری اسکول میں غیر حاضر رہنے والے چوتھی جماعت کے طالب علم جانو ٹوکّو گؤلی کے ٹیچرروسیّا ریڈی کو اس کی غیر حاضری نے ایسا مشتعل کردیا کہ اس نے بچے کا شرٹ اتار کر ہاتھ اور پیر باندھنے کے ...

نصابی کتابوں سے ٹیپوسلطان کا سبق ہٹایا نہیں جائے گا: ریاستی وزیر تعلیم سریش کمار

وزیر اعلیٰ ایڈی یورپا کے اعلان کے بعد اب ریاستی وزیر برائے پرائمری و سکینڈری تعلیم سریش کمار نے بھی آج باقاعدہ اعلان کردیا ہے کہ میسور کے حکمران ٹیپو سلطان کا سبق نصابی کتابوں سے ہٹایا نہیں جائے گا۔

بھٹکل کے بیلکے میں ہوئی چوری کا ملزم گرفتار؛ 38.54گرام سونے کے زیورات برآمد

گزشتہ 4جنوری کو دن دہاڑے تعلقہ کے بیلکے کنچی کیری کےمکین ناگراج گنپتی ہیگڈے کے گھر کا دروازہ توڑ کر نقد رقم اور زیورات چراکر فرار ہونے کے الزام میں پولس نے ایک شخص کو گرفتارکرلیا ہے اور اُس کے پاس موجود 38.54گرام  سونے کے زیورات برآمد کرنے میں  پولس کامیاب ہوگئی ہے۔