کرناٹک میں گزشتہ 6 مہینوں کے دوران سڑک حادثات میں 5830 افراد جاں بحق
بنگلورو6/ستمبر (ایس او نیوز/ایجنسی) ریاست کرناٹک میں گزشتہ 6 مہینوں کے دوران سڑک حادثات میں ہلاک ہونے والوں کی کل تعداد 5830 ہے۔
اس سلسلہ میں معلومات فراہم کرتے ہوئے ایڈیشنل ڈائر یکٹر جنرل آف پولیس (ٹریفک اینڈ سیفٹی) آلوک کمار نے کہا کہ ریاست بھر میں 2023 کے پہلے 6 مہینوں میں پیش آئے حادثات میں کل 5830 افراد ہلاک ہوئے۔
مئی میں 1094، جون میں 965، جولائی میں 807 اور اگست میں 795 افراد حادثات کی وجہ سے جاں بحق ہوئے۔انہوں نے بتایا کہ حادثے میں مرنے والے زیادہ تر لوگ بنگلورو، بنگلورو دیہی علاقوں اور ٹمکور ضلع کے تھے۔
آلوک کمار نے بتایا کہ بنگلورو۔میسورو نیشنل ہائی وے پر مئی میں29، جون میں 28، جولائی میں 8 اور اگست میں 6 لوگوں کی موت ہوئی تھی۔ میسورو نینشل ہائی وے میں شروعات بہت سارے حادثات پیش آئے، اس کے بعد سخت اقدامات کئے جانے سے وہاں حادثات میں کمی آتی گئی۔