مینگلور 28؍ستمبر (ایس او نیوز) مینگلور سے قریب 35 کلو میٹر دور موڈبیدری میں عشق وعاشقی کا ایک دردناک انجام اس وقت سامنے آیا جب ایک نوجوان عاشق اپنی معشوقہ کو چھرا گھونپ کر قتل کرنے کے بعد خود بھی پھانسی کا پھندا لگاکر خودکشی کر بیٹھا۔
موصولہ رپورٹ کے مطابق لوہیت نامی نوجوان اپنی دور کی رشتے دار کرشمہ پجاری (۲۰سال) سے عشق کیا کرتاتھا۔پرانتھے نامی علاقے میں کرشمہ اپنے کرایے کے مکان میں والدین کے ساتھ رہتی تھی۔ جبکہ لوہیت اس کاعاشق تھا وہ منگلورو باجال میں رہائش پزیر تھا۔ بتایاجاتا ہے کہ لوہیت اس وقت کرشمہ کے گھر پہنچا جب وہ تنہا تھی۔پتہ نہیں کس بات پر دونوں کے اندر کس بات کو لے کر جھڑپ ہوئی کہ اس نے کرشمہ کے گلے پر چاقو سے اور سر پر ہتھوڑے سے وار کیا جس سے و ہ شدید زخمی ہوگئی۔ اسی دوران لوہیت نے اسی گھر میں پھانسی کا پھندا گلے میں ڈال کرلٹک گیااور اپنی جان سے ہاتھ دھو بیٹھا۔زخمی کرشمہ کو اسپتال میں منتقل کرنے کی کوشش کی گئی مگر اس نے راستے میں دم توڑ دیا۔
ذرائع نے بتایا کہ لوہیت کے والدین سے پتہ چلا ہے کہ لوہیت ایک ایئر کنڈیشنر میکانک تھا اور کام پر جانے کا کہہ کر گھر سے نکلا تھا۔ کس بات پراس نے اس طرح کا انتہائی اقدام کیا ہے اس بارے میں کچھ سراغ نہیں ملا ہے۔ موڈبیدری پولیس نے کیس درج کرلیا ہے۔پولیس کو امید ہے کہ مزید تحقیقات اور دونوں کے موبائل فون کی تفصیلات سے اس واقعے کی حقیقت سامنے آ سکتی ہے۔