اڈپی: دسویں جماعت کے ایک طالب علم نے کی خود کشی۔ دوسرا طالب علم ہوگیا لاپتہ

Source: S.O. News Service | By Shahid Mukhtesar | Published on 9th February 2019, 12:04 PM | ساحلی خبریں | ان خبروں کو پڑھنا مت بھولئے |

اڈپی 9؍فروری(ایس او نیوز)برہماور تعلقہ کے کوراڈی میں واقع طالب علموں کے ہاسٹل سے ایک طالب علم فرار ہوگیا ہے جبکہ دوسرا قریبی علاقے میں درخت سے لٹکتا ہواپایا گیا ہے، جس کے بارے میں کہاجاتا ہے کہ امتحان میں فیل ہونے کے خوف سے اس نے خود کشی کرلی ہے۔

موصولہ رپورٹ کے مطابق خودکشی کرنے والے طالب علم کا نام ملّیش (17سال) ہے جو کہ گنگاوتی تعلقہ کے کوپّل کا رہنے والا تھا۔اور لاپتہ ہونے والے طالب علم کا نام مہیش(17سال) ہے جو کہ وجیاپورا کا رہنے والا تھا۔

معلوم ہوا ہے کہ ملّیش اور مہیش نے ۷ فروری کی صبح میں ہاسٹل سے فرار ہونے کا منصوبہ بنایا تھا۔پھر ملّیش نے ہاسٹل وارڈن کو بتایا کہ وہ اپنے پاؤں پر داد ہونے کی وجہ سے ڈاکٹر سے دوائی لینے کے لئے شہرکی کلینک میں جانا چاہتا ہے۔وارڈن نے ملّیش کو تنہا باہر بھیجنے کے بجائے ایک او ر شخص کو اس کے ساتھ بھیج دیا۔جب تک ملّیش دواخانے سے واپس لوٹتا تب تک مہیش کسی طرح ہاسٹل سے فرار ہونے میں کامیاب ہوگیا۔ اس کی بیگ ہاسٹل سے قریب ہی پائی گئی۔

سمجھا جاتا ہے کہ مہیش کے ساتھ فرار ہونے میں ناکامی کے بعد ملّیش نے ذہنی تناؤ میں خودکشی کا منصوبہ بنالیا۔ شام کو جب خصوصی کلاس چل رہی تھی تو ٹیچر نے محسوس کیا کہ ملّیش موجود نہیں ہے۔ پھر اس کی تلاش شروع ہوئی اور وہ ہاسٹل کے قریب ہی ایک ویران علاقے میں گلے میں پھندالگاکردرخت سے لٹکتا ہوا پایا گیا۔

کوراڈی اسکول کے اساتذہ کا کہنا ہے کہ یہ دونوں طالب علم دسویں جماعت میں زیر تعلیم تھے، مگر بہت ہی کند ذہن ہونے کی وجہ سے امتحان میں پاس ہونا ان کے لئے مشکل محسوس ہورہاتھا۔ چونکہ دسویں کے امتحانات قریب آگئے ہیں اور اس کی تیاری چل رہی ہے ، تو دونوں طلبہ نے امتحان سے بچنے کے لئے اسکول سے فرار ہونے کا منصوبہ بنایاتھا۔جس میں ایک لڑکا تو کامیاب ہوگیا مگر دوسرا اپنی جان سے ہی ہاتھ دھو بیٹھا۔ برہماور پولیس نے اس سلسلے میں کیس درج کرلیا ہے اور مزید تحقیقات کی جارہی ہیں۔
 

ایک نظر اس پر بھی

بھٹکل  رکن اسمبلی نے ریلوے اسٹیشن سڑک تعمیر کی سنگ بنیاد رکھی

تعلقہ کے مٹھلی گرام پنچایت کوبھٹکل  ریلوے اسٹیشن  سے جوڑنے والی سڑک کی تعمیر کے لئے رکن اسمبلی سنیل نائک نے پوجا پاٹ کے ساتھ سنگ بنیاد رکھا۔ اس موقع پر کرشنانائک، شیوانی شانتارام، چندرہاس، آنند نائک وغیرہ موجود تھے۔

بھٹکل میونسپالٹی کی عام میٹنگ میں نئی مچھلی مارکیٹ کے لئے دوبارہ نیلامی کا فیصلہ : کئی دیگر مسائل پر بھی بحث

بھٹکل میونسپالٹی میں منعقدہ عام میٹنگ میں پرانی اور نئی مچھلی مارکیٹ  کے مچھلی بیوپاریوں کو لےکر کافی بحث ہوئی ، بعد میں  اس بات کا فیصلہ لیا  گیا کہ اگلے دو دن کے اندرنئی مچھلی مارکٹ   کی نیلامی کا اعلامیہ شائع کرتے ہوئے  ایک ہفتہ کے اندر  بولی کی  کارروائی انجام دی جائے۔

منگلورو: زیر سماعت قیدیوں نے ڈسٹرکٹ جیل میں سیکیوریٹی اسٹاف پر کیا حملہ

ڈسٹرکٹ جیل میں زیر سماعت قیدیوں کی طرف سے دو سیکیوریٹی اسٹاف پر حملہ کیے جانے کا حیرت انگیز واقعہ پیش آیا ہے۔ موصولہ رپورٹ کے مطابق قتل کے الزام میں قید مشتاق اور اس کے دیگر ساتھیوں نے مل کر سیکیوریٹی اسٹاف پر حملہ کیا ہے۔

بھٹکل میونسپالٹی کی عام میٹنگ میں نئی مچھلی مارکیٹ کے لئے دوبارہ نیلامی کا فیصلہ : کئی دیگر مسائل پر بھی بحث

بھٹکل میونسپالٹی میں منعقدہ عام میٹنگ میں پرانی اور نئی مچھلی مارکیٹ  کے مچھلی بیوپاریوں کو لےکر کافی بحث ہوئی ، بعد میں  اس بات کا فیصلہ لیا  گیا کہ اگلے دو دن کے اندرنئی مچھلی مارکٹ   کی نیلامی کا اعلامیہ شائع کرتے ہوئے  ایک ہفتہ کے اندر  بولی کی  کارروائی انجام دی جائے۔

اکرم پاشاہ ہاسن ضلع کے نئے ڈپٹی کمشنر

ہاسن ضلع کے نئے ڈپٹی کمشنر اکرم پاشاہ آئی اے ایس نے آج عہدہ کا جائزہ لے لیا ۔ 2012ء میں آئی اے ایس افسر کی حیثیت سے ترقی پانے والے اکرم پاشاہ اس سے پہلے ساڑھے پانچ سال مائنارٹی ڈائرکٹوریٹ میں ڈائرکٹرکی حیثیت سے بہترین خدمات انجام دے چکے ہیں ۔

24جولائی سے پہلے فاریسٹ اتی کرم داروں کو نکال باہر کرنے سپریم کورٹ کا آرڈر : ریاستی حکومت پر ضلع اتی کرم داروں کی امید بھری نگاہ

فاریسٹ حق قانون کے تحت فاریسٹ مکینوں کے طورپر اپنا حق جتانے کے بعد انکار کئے گئے فاریسٹ مکینوں کو  ایک ساتھ تمام کو نکال باہرکرنے سپریم کورٹ تین رکنی بنچ نے 13فروری کو فیصلہ صادر کیا ہے۔ سپریم کورٹ کا فیصلہ فاریسٹ مکینوں  (اتی کرم دار )پر بجلی بن کر گراہے ، فاریسٹ افسران کو اتی ...