اڈپی:گروپرساد بھٹ قتل کے تمام ملزمین گرفتار

Source: S.O. News Service | By Shahid Mukhtesar | Published on 31st July 2018, 1:03 PM | ساحلی خبریں | ان خبروں کو پڑھنا مت بھولئے |

اڈپی 31؍جولائی (ایس او نیوز) منی پال میں تفریحی کلب کے مالک گروپرساد کو چاقو گھونپ کر ہلاک کرنے والے کلیدی ملزم رنجیت پنٹو(۳۷سال) کو پولیس نے گرفتار کرلیا ہے۔ اس سے پہلے پولیس نے قتل کے بعد ماروتی اومنی میں فرار ہورہے تین ملزمین کو قتل میں استعمال کیے گئے چاقو سمیت کنڈلور چیک پوسٹ پر گرفتار کرلیا تھاجس میں رنجیت پنٹوکابھائی سجیت بھی شامل ہے۔ 

بتایاجاتا ہے کہ رنجیت اور سجیت کا مقتول گروپرساد بھٹ کے ساتھ مالی لین دین تھا۔اس سلسلے میں رنجیت نے جب گروپرساد سے فون پر رابطہ قائم کیاتو مبینہ طور پر گروپرساد نے پنٹو برادران کی ماں کے سلسلے میں بہت ہی گندی گالیاں دیں۔ اس سے مشتعل ہوکر دونوں بھائیوں نے مزید دو لوگوں کے ساتھ مل کر گروپرساد کو جان سے مارڈالنے کا منصوبہ بنایا اور اس پر عمل کرتے ہوئے منی پال کے سیونتھ ہیون ہوٹل بلڈنگ میں واقع تفریحی کلب میں گھس کر گروپرساد کو قتل کر ڈالا۔

بتایاجاتا ہے کہ سجیت اوررنجیت پنٹو برادران ملپے، برہماور اور ہیری اڈکا پولیس اسٹیشنوں میں بدنام غنڈوں کی فہرست میں شامل ہیں ۔سجیت ہیری اڈکا میں 19دسمبر 2017کو ہوئے ایک قتل میں بھی ملزم ہے۔ پولیس نے ان دو ہسٹری شیٹر بھائیوں کے خلاف غنڈہ ایکٹ لاگو کرنے کی کوشش کی تھی، مگر پولیس کا یہ اقدام عدالت میں ناکام ہوگیا۔

ضلع ایس پی لکشمن نمبرگی نے بتایا کہ بظاہرگروپرسادبھٹ قتل معاملے کے تمام ملزمین گرفتار ہوچکے ہیں۔ گرفتار ملزمین سے پولیس کسٹڈی میں تفتیش جاری ہے۔ اگر اس دوران مزید کسی کے شامل ہونے کی بات معلوم ہوتی ہے تو پھر اس کے مطابق کارروائی کی جائے گی۔

ایک نظر اس پر بھی

منگلورو وینلاک اسپتال کے روبرو پرائیویٹ میڈیکل کالج کے طلبا ڈاکٹروں کااحتجاج : تعلیمی وظیفہ کی  ادائیگی کی مانگ

سرکاری اسپتالوں میں کلینکل سہولیات پانے والے  پرائیویٹ میڈیکل کالج کے سرکاری کوٹہ کے گھریلو ڈاکٹر اور پوسٹ گریجویٹ  ڈاکٹرس کو گزشتہ 8مہینوں سے تعلیمی وظیفہ ادا نہیں کیاگیا ہے ، تعلیمی وظیفہ کی مانگ کرتے ہوئے طلبا ڈاکٹروں نے شہر کے وینلاک اسپتال کے روبرو احتجاج کیا۔

سورتکل میں ٹول گیٹ فیس وصولی  لائسنس کی تجدیدکاری کے خلاف غیر معینہ مدت کا دھرنا

ریاستی حکومت کی پیش کش کے باوجود  نیشنل ہائی وے اتھارٹی کی طرف سے  سورتکل کے غیر قانونی ٹول گیٹ کے  فیس وصولی لائسنس کی تجدید کئے جانے کی مخالفت کرتے ہوئے آج سے ٹول گیٹ مخالف ہوراٹ سمیتی کی قیادت میں سورتکل جنکشن پر دن رات کا غیر معینہ مدت کا دھرنا شروع کیاگیا

کاروار میں سرکاری انجینئرنگ کالج پرنسپال کی غفلت۔ بی ای سیکنڈ کو نہیں ملی لیاٹرل اینٹری۔ طلبہ کا خسارہ

سرکاری انجینئرنگ کالج کے پرنسپال کی غفلت کی وجہ سے بی ای سال دوم میں طلبہ کو داخلے کے لئے لیاٹرل اینٹری کی جو سہولت ہے وہ دستیاب نہیں ہوسکی ہے۔ لیاٹرل اینٹری سسٹم کے ذریعے ڈپلومہ پورا کرنے والے طلبہ براہ راست انجینئرنگ کے سال دوم میں ایک امتحان کے ذریعے داخلہ لے سکتے ہیں۔

ضلع شمالی کینرا میں جے ڈی ایس کا وجود نہیں ہے۔ آئندہ لوک سبھا میں کانگریس کا ہی امیدوار ہوگا۔ دیشپانڈے کا بیان

ریوینیو اور ضلع انچارج وزیر آر وی دیشپانڈے نے کہا ہے کہ ضلع شمالی کینرا میں جنتا دل ایس کا کوئی وجود نہیں ہے، بلکہ کانگریس پارٹی ضلع میں پوری طرح مستحکم ہے۔ اس لئے آئندہ لوک سبھا انتخاب میںیہاں سے کانگریس کا امیدوار ہی میدان میں اتارا جائے گا۔

کمٹہ: پجاری وشویشورا بھٹ کے قتل کی سازش پہلے بھی رچی گئی تھی؛ پولس کی تحقیقات جاری

حال ہی میں کمٹہ مندر کے پجاری وشویشورا بھٹ کے قتل سے متعلق تحقیقات کے دوران یہ بات سامنے آئی ہے کہ اپنے خون کے رشتے دار پر بھروسہ ہی ان کے قتل کا سبب بنا ہے، کیونکہ انہیں نئی خریدی گئی زمین کی شدھی کرنے کی پوجا انجام دینے کے بہانے مرور کی طرف بلاکر لے جانے والا کوئی اجنبی نہیں ...

بھٹکل میں طبی سہولیات کا ایک جائزہ؛ تنظیم میڈیا ورکشاپ میں طلبا کی طرف سے پیش کردہ ایک رپورٹ

مجلس اصلاح و تنظیم بھٹکل کی جانب سے منعقدہ پانچ روزہ میڈیا ورکشاپ میں جو طلبا شریک ہوئے تھے، اُس میں تین تین اور چار چار طلبا پر مشتمل الگ الگ ٹیموں کو شہر بھٹکل کے مختلف مسائل کا جائزہ لینے اور اپنی رپورٹ پیش کرنے کی ہدایت دی گئی تھی، اس میں سے ایک  ٹیم جس میں  حبیب اللہ محتشم ...