اُڈپی 20/جون (ایس او نیوز)اُڈپی چیفسیویل جج اینڈ چیف میجسٹریٹ  فرسٹ کلاس عدالت نے  ایک ٹمپو ڈرائیور پر بائک کو  ٹکر دے کر فرار ہونے کے جرم میں 2500 روپیہ جرمانہ عائد کیا ہے اور رقم نہ بھرنے کی صورت میں اُسے چھ ماہ کی جیل کی سزا سنائی ہے۔

ذرائع سے ملی اطلاع کے مطابق 20/اگست 2014 کو  ضلع اُڈپی کے ہیریاڈکا پولس تھانہ حدود میں  ایک گُڈس ٹمپو ایک بائک کو ٹکر دے کر فرار ہوگئی تھی۔ بائک پر دو لوگ راجو کے ایس اور ٹی کے مدھوسووھن سوار تھے۔  حادثے میں دونوں شدید طو رپر زخمی ہوئے تھے۔ مگر ٹمپو ڈرائیور پرشانت پائی نے نہ زخمیوں کو اسپتال پہنچایا نہ ہی بعد میں اسپتال پہنچ کر اُن کی حالت جاننے کی کوشش کی اور نہ ہی حادثے کے تعلق سے پولس کو خبر کی۔

حادثے کے تعلق سے ہیرڈکا پولس تھانہ میں معاملہ درج کیا گیا تھا جس کی چھان بین کرتے ہوئے پی ایس آئی رفیق ایم نے  ٹکر دے کر فرار ہونے والے ٹمپو ڈرائیور پرشانت پائی کے خلاف عدالت میں چارج شیٹ داخل کی تھی۔ چار سال بعد  عدالت میں جرم ثابت ہونے پر  ٹمپو ڈرائیور پر2500 روپیہ جرمانہ عائد کیا ہے۔