اُڈپی شہر میں سلطان گولڈ اینڈ ڈائمنڈزکے دسویں شو روم کا شاندار افتتاح؛ افتتاح کے موقع پر خصوصی رعایت سمیت ماہانہ لکی ڈرا کا اعلان
اُڈپی 17؍مارچ(ایس او نیوز) جنوبی ہندمیں سونے اور ہیرے کے جواہرات کے لئے بہت ہی معتبر اور مشہور مانے جانے والے برانڈ سلطان گولڈ اینڈ ڈائمنڈز کے دسویں شو روم کا اڈپی شہر میں شاندار افتتاح عمل میں آیا۔
اُڈپی شہرکے وی ایس ٹی روڈ پر گیتانجلی سیلکس کے قریب واقع اس شو روم کا افتتاح اڈپی ضلع قاضی الحاج ابراہیم موصلیار بیکال کی دعا سے ہوا۔ پُتھّیگے مٹھ کے سُگونیندرا سوامی جی نے اس موقع پر اپنی نیک تمناؤں کا اظہار کرتے ہوئے اس نئے کاروبار میں ترقی کے لئے دعاکی۔ فادر ویلیرین مینڈوسا نے غیر تراشیدہ اور قیمتی ہیروں کے شعبے کا افتتاح کیا، جبکہ دلہنوں کے لئے مخصوص سیکشن کا افتتاح مولانا عبدالرشید عمری خطیب اڈپی جامع مسجدکے ہاتھوں سے ہوا۔ شادیوں اور روایتی انداز میں استعمال ہونے والے زیورات کے سیکشن کا افتتاح رکن اسمبلی رگھو پتی بھٹ نے انجام دیا۔
مہمانان خصوصی کے طور پر میونسپل کاؤنسل کے رکن مانسا سی پائی، جیم اینڈ جیویلری کاونسل کی رکن جیا اچاریہ، مانڈوی ریئل ایسٹیٹ ڈیویلپرز کے چیمنمان جیری وینسنٹ ڈایاز، اڈپی فیڈریشن جماعت کے صدر این عبداللہ حاجی توفیق، اڈپی ڈسٹرکٹ مسلم یونین کے صدر یاسین ملپے، اجول گروپ کے مینیجنگ ڈائریکٹر پی شیٹی، ویسٹ کوسٹ گروپ کے منیجنگ ڈائریکٹر راجا رام ہیگڈے، پاراکلا یوزرپلیٹ فارم کے صدر ابوبکر حاجی پارکلا، نینا فینسی کے منیجنگ ڈائریکٹر محمد مولا، کے پی سی سی جنرل سیکریٹری ایم اے غفور، سینئر ایڈوکیٹ اے این ایس ہیبار موجود تھے۔
سلطان گروپ کے منیجنگ ڈائریکٹر ڈاکٹر ٹی ایم عبدالرؤف اور ایکزیکٹیو ڈائریکٹر ٹی ایم عبدالرحیم کی موجودگی میں گروپ کے مارکیٹنگ منیجر آصف اقبال نے افتتاحی تقریب کی نظامت کے فرائض انجام دئے۔
مختلف انواع و اقسام کے زیورات: اڈپی شہر میں سلطان گروپ کی طرف سے شروع ہونے والے اس نئے شور وم میں ہیرے، پلاٹینم اور غیر تراشیدہ بیش قیمت ہیرے، قیمتی جواہرات کے کرسٹلز، سونے اور چاندی کے زیورات کے علاوہ بیش قیمت گھڑیوں کی بہت ہی وسیع اور متنوع اقسام گاہکوں کے لئے دستیاب رہیں گی۔ شوروم کے افتتاح کی مناسبت سے کمپنی نے اپنے گاہکوں کے لئے مختلف اشیاء پر خصوصی رعایت دینے کا اعلان کیا ہے۔ دس ہزار روپے اور اس سے زائد مالیت کی خریداری پر کمپنی کی طرف سے انہیں سونے کے سکّے تحفے میں دئے جائیں گے، جبکہ ہیرے ، سونے اور چاندی کے زیورات اور برانڈیڈدستی گھڑیوں کی خریداری پر خصوصی ڈسکاؤنٹ دیا جائے گا۔
کمپنی کی طرف سے ماہانہ لکّی ڈرا نکالنے کا اعلان کیا گیا ہے جس میں گاہکوں کے لئے ایل ای ڈی ٹیلی ویژن سیٹ، ریفریجریٹرز، واشنگ مشینس اور باورچی خانوں میں استعمال ہونے والی دیگر اشیاء جیتنے کا موقع حاصل رہے گا۔
