بھٹکل میں دل کو دہلادینے والا واقعہ؛ ماں نے اپنی 12 دن کی بچی کو جلاڈالا

Source: S.O. News Service | By I.G. Bhatkali | Published on 12th March 2018, 6:40 PM | ساحلی خبریں | ان خبروں کو پڑھنا مت بھولئے |

بھٹکل 12/مارچ (ایس او نیوز) ایک دل کو دہلا دینے والے واقعہ میں  دماغی طور پر  پریشان ایک خاتون نے اپنی 12 دن کی بچی کو زندہ آگ کے حوالے کر دیا، جس سے بچی کی موت واقع ہوگئی۔ یہ واردات بھٹکل تعلقہ کے وینکٹاپور میں  پیش آئی۔

ذرائع سے ملی اطلاع کے مطابق وینکٹاپور کی یشودھا موگیر کی شادی تین سال قبل  بیلنی کے گوپال موگیر سے ہوئی تھی، بعد میں یہ لوگ بھٹکل شہر میں ایک کرایے کےمکان میں رہتے تھے۔ جب یشودھا  حاملہ ہوئی تو وہ اپنی ماں کے گھر  وینکٹاپور میں رہنے لگی۔   دو ہفتے قبل  جب یشودھا  نے مرڈیشور  اسپتال میں بچی کو جنم دیا تو  گھروالوں نے اس سے منہ موڑلیا،  یشودھا اس بات پر پریشان ہوگئی کہ اُسے یا بچی کو دیکھنے نہ اُس کی ماں آئی اور نہ ہی شوہر اسپتال آیا۔ اگلے روز وہ بچی کو لے کر اپنی ماں کے گھر واپس آئی۔

ذرائع سے ملی اطلاع کے مطابق جب یشودھا کو محسوس ہوا کہ بچی  کے جنم لینے کی وجہ سے گھروالے اس سے کترارہے ہیں تو دماغی طور پر اس کو شدید صدمہ پہنچا اور تنگ آکر جمعہ  کو اس نے اپنی معصوم بچی پر  مٹی کا تیل ڈال کر جلاڈالا۔

آگ میں جلتی بچی کو دیکھ کر  یشودھا کی ماں نے چلانا شروع کردیا، جس پر یشودھا کے بھائی نے فوراً بچی پر لگی ہوئی آگ کو بجھاتے ہوئے اُسے سیدھے سرکاری اسپتال پہنچایا، جہاں سے ابتدائی طبی امداد کے بعد  منی پال لے جایا گیا۔مگر علاج کارگر ثابت نہ ہوا اور بچی راہی جنت ہوگئی۔

خبر ملی ہے کہ اس کا شوہر گوپال موگیر مچھلیاں پکڑنے بوٹ پر گیا ہوا تھا، جس کی وجہ سے وہ بیوی سے ملنے اور بچی کو دیکھنے  اسپتال یا اُس کے گھر نہیں جاسکا تھا۔

واقعے کی اطلاع ملتے ہی  مضافاتی پولس نے کاروائی کرتے ہوئے یشودھا موگیر کو گرفتار کرلیا ہے اور  عدالت میں پیش کرتے ہوئے  کاروار خواتین کے جیل میں بھیج دیا ہے۔

اس تعلق سے پولس مزید چھان بین کررہی ہے۔

ایک نظر اس پر بھی

بی جے پی کیخلاف کانگریس کا جاری کردہ ٹیپ جعلی، کرناٹک کانگریس رکن اسمبلی کابیان، کانگریس پریشان 

بی جے پی کے خلاف کانگریس کے ایک جاری کردہ ٹیپ سے کانگریس کی ٹکٹ پر جیت درج کرنے والے یلاپور کے رکن اسمبلی شیورام ہیبار نے پارٹی کی جانب سے جاری کردہ ٹیپ کو جعلی قرار دیاہے۔ اور اس بات کو غلط قرار دیا ہے کہ بی جے پی کی طرف سے انہیں رقم کی پیشکش کی گئی تھی اور وزارتی عہدہ دینے کا بھی ...

فتح کے جشن میں پاکستان نواز نعرے بازی کا جھوٹا ویڈیو۔ مینگلور پولس اسٹیشن میں کانگریس کی طرف سے شکایت درج

بی جے پی کے وزیراعلیٰ ایڈی یورپا کے استعفیٰ دینے اور کانگریس جے ڈی ایس محاذ کے لئے حکومت سازی کی راہ ہموار ہونے کی خوشی میں منگلور و کے کانگریس دفتر میں جشن فتح منایاگیاتھا۔ لیکن اس تعلق سے ایک ویڈیو کلپ سوشیل میڈیا پر عام ہواتھا جس میں جشن کے دوران پاکستان نواز نعرے بازی ...

بھٹکل میں گائیوں سے بھری دو لاریوں پر حملے کے الزام میں گیارہ افراد گرفتار؛ کیاجانوروں کو بی جے پی لیڈر کے ڈیری فارم لےجایا جارہا تھا ؟

  تعلقہ کے مرڈیشور نیشنل ہائی وے پر کل رات ہوئی ہندو شدت پسند تنظیموں کے کارکنوں کی غنڈہ گردی کے واقعے کے بعد پولس متحرک ہوکر اب تک گیارہ لوگوں کو گرفتار کرنے میں کامیاب ہوگئی ہے، جبکہ دیگر حملہ آوروں کی تلاش جاری ہے۔

ڈیزل-پیٹرول کی قیمتیں اب تک کی سب سے زیادہ

ڈیزل اور پیٹرول کی لگاتار قیمتیں بڑھ رہی ہیں اور اب وہ اب تک کی سب سے زیادہ ہو چکی ہیں۔ کانگریس نے ڈیزل اور پٹرول کی قیمت پانچ سال میں سب سے اونچی سطح تک پہنچنے پر تشویش ظاہر کرتے ہوئے کہا کہ مودی حکومت کو ایندھن سے ہونے والی کمائی کا استعمال الیکشن جیتنے اور حکومتیں بنانے کے ...