پتور،15؍جولائی (ایس او نیوز) یہاں سے قریب مونڈورو نامی دیہی علاقے میں ایک نابالغ لڑکی کو پیار کے جھانسے میں پھنساکر اس کے ساتھ جنسی تعلقات پیدا کرتے ہوئے اسے دو ماہ کی حاملہ بنانے کے الزام میں جیانند (۲۵سال) نامی نوجوان کو پولیس نے POCSOایکٹ کے تحت گرفتا رکرلیا ہے۔

ذرائع نے بتایا کہ کچھ عرصے سے مذکورہ لڑکا اور لڑکی کی ملاقاتیں چل رہی تھیں۔ پھر لڑکا اس لڑکی کے گھر بھی آنے جانے لگا۔ اس دوران گھر پر کوئی دوسرا موجود نہ ہونے کے موقع سے فائدہ اٹھا کر لڑ کے نے جنسی تعلقات پید اکرلئے جس کے نتیجے میں لڑکی حاملہ ہوگئی۔ جب یہ معاملہ لڑکی کے والدین کے علم میں آیا تو انہوں نے پولیس میں شکایت درج کروادی۔ خبر ملی ہے کہ لڑکی کو منگلورو کے اسپتال میں داخل کیا گیا ہے۔

پتور دیہی پولیس نے معاملہ درج کرنے کے بعد ملزم کو گرفتار کیا اور عدالت میں پیش کیا جہاں سے اس کو عدالتی حراست میں بھیج دیا گیا ہے۔